اقش باسشىسى دجو بايدەننىڭ كوروناۆيرۋسقا شالدىققانى بەلگىلى بولدى، دەپ حابارلايدى "ادىرنا" ۇلتتىق پورتالى.
اقش پرەزيدەنتىنىڭ جاعدايى تۋرالى 17 شىلدەدە، سارسەنبى كۇنى اق ءۇيدىڭ ءباسپاسوز حاتشىسى كارين جان-پەر مالىمدەدى.
ءباسپاسوز حاتشىسى پرەزيدەنتكە نەگىزگى ءارى دەنساۋلىعىن نىعايتاتىن ەكپە ەگىلگەنىن حابارلاعان.
81 جاستاعى بايدەن دەلاۆەر شتاتىنداعى ءوز ۇيىندە كارانتينگە جابىلىپ، وقشاۋلانعان. دەنساۋلىعىنا بايلانىستى كوروناعا شالدىققان پرەزيدەنتكە اقش-تاعى دەموكراتيالىق پارتيانىڭ جەتەكشى ساياساتكەرلەرى پرەزيدەنتتىك سايلاۋدان باس تارتۋ تۋرالى ۇسىنىس جاساعان. ساياساتكەرلەر 81 جاستاعى بايدەننىڭ دونالد ترامپپەن تەكە-تىرەسۋگە كۇشى جەتپەيتىنىن، ودان بولەك تاعى دا ءتورت جىل ەل باسقارۋعا ءالى كەلمەيتىنىن ايتقان. بىراق، دجو بايدەن قاراشادا بولاتىن سايلاۋعا كانديدات رەتىندە تىركەلگەن.
ايتا كەتەيىك، بىرنەشە كۇن بۇرىن قاراشاداعى پرەزيدەنت سايلاۋىنا ۇمىتكەردىڭ ءبىرى، اقش-تىڭ ەكس-پرەزيدەنتى دونالد ترامپقا جاس جىگىت وق اتىپ، قۇلاعىن جاراقاتتاعان ەدى.
