كولورادو جوعارعى سوتى اقش كونستيتۋتسياسىنداعى «بۇلىككە نەمەسە كوتەرىلىسكە» قاتىسى بار شەنەۋنىكتەردىڭ مەملەكەتتىك قىزمەتتە جۇمىس ىستەۋىنە تىيىم سالاتىن تارماققا سىلتەمە جاساپ، بۇرىنعى پرەزيدەنت دونالد ترامپتى 2024 جىلعى پرەزيدەنتتىك بيلەتتەن الىپ تاستاۋ تۋرالى شەشىم شىعاردى، دەپ حابارلايدى "ادىرنا" پورتالى bbc جاڭالىعىنا سىلتەپ.
بۇل شەشىم 2021 جىلعى 6 قاڭتارداعى وقيعاعا بايلانىستى. سەبەبى دونالد ترامپتىڭ جاقتاستارى پرەزيدەنت سايلاۋىنىڭ ناتيجەلەرىنە قارسىلىق ءبىلدىرىپ، كاپيتوليگە باسىپ كىرگەن ەكەن. ال سايلاۋ ناتيجەلەرى بويىنشا دجو بايدەن پرەزيدەنتتىككە وتىردى.
بۇعان دەيىن باسقا شتاتتاردا ترامپتى سايلاۋ بيۋللەتەنىنەن الىپ تاستاۋ ارەكەتى ءساتسىز اياقتالدى. دونالد ترامپتى اقش تاريحىنداعى اق ۇيگە ساي ەمەس دەپ تانىلعان العاشقى پرەزيدەنتتىك ۇمىتكەر بولدى. سەبەبى كونستيتۋتسيالىق ەرەجەگە سايكەس شەنەۋنىكتەر "بۇلىك نەمەسە كوتەرىلىسكە" قاتىسا المايدى.
ترامپ جوعارعى سوتقا شاعىمدانۋى ءۇشىن سوت شەشىمىن 4 قاڭتارعا قالدىردى. سۋديالار اپەللياتسيانى شەشكەنگە دەيىن ترامپتىڭ اتى اۆتوماتتى تۇردە بيۋللەتەندە قالادى.
