اتىراۋ قالاسىنداعى №9 سايلاۋ ۋچاسكەسىندە 1343 ازامات داۋىس بەرۋگە تىركەلگەن. ساعات 11:00-گە دەيىن ۋچاسكەگە 200-گە جۋىق سايلاۋشى كەلىپ، ءوز تاڭداۋىن جاسادى. ولاردىڭ قاتارىندا جاسى 90-عا كەلگەن ەڭ ۇلكەن سايلاۋشى دا بار.
سايلاۋشىلار اراسىندا «كۇمىس ەرىكتىلەر» قوزعالىسىنىڭ 40-قا جۋىق وكىلى ازاماتتىق بەلسەندىلىك تانىتىپ، داۋىس بەرۋگە قاتىستى.
«ەلىمىز ءۇشىن ماڭىزدى كۇن. بۇگىن «كۇمىس ەرىكتىلەرمەن» بىرگە ازاماتتىق بەلسەندىلىك تانىتىپ، داۋىس بەرۋگە كەلدىك. ءوز تاڭداۋىمىزدى جاسادىق. بولاشاعىمىز جارقىن بولسىن»، – دەدى «كۇمىس ەرىكتىلەر» قوزعالىسىنىڭ وكىلى گۇلجان حيتۋ.
سونىمەن قاتار، APEC PETROTECHNIC كوللەدجىنىڭ بازاسىندا جاستاردىڭ ازاماتتىق بەلسەندىلىگىن ارتتىرۋعا باعىتتالعان ء«بىر داۋىس – ءبىر پازل» اكتسياسى ۇيىمداستىرىلدى. ءىس-شاراعا 25 جاس جانە جاستار ءماسليحاتىنىڭ دەپۋتاتتارى قاتىستى.
اكتسيا بارىسىندا قاتىسۋشىلار ارنايى دايىندالعان پازلدى قۇراستىردى. ونىڭ ءاربىر بولىگى جەكە ازاماتتىڭ قوعام ومىرىنە قوسقان ۇلەسىن بىلدىرسە، پازلدىڭ ءبىرتۇتاس كومپوزيتسياعا بىرىگۋى ەل بولاشاعى ءۇشىن بىرلىك، ورتاق ماقسات جانە ءار ازاماتتىڭ جاۋاپكەرشىلىگى ماڭىزدى ەكەنىن كورسەتتى.
زاڭناماعا سايكەس، سايلاۋ ۋچاسكەلەرى ساعات 7:00-دەن 20:00-گە دەيىن جۇمىس ىستەيدى. وسى ۋاقىت ارالىعىندا ازاماتتار ءوز تاڭداۋىن جاساپ، ەل بولاشاعىنا قاتىستى ازاماتتىق ۇستانىمىن بىلدىرە الادى.
