ماڭعىستاۋ اۋدانىندا ۇلتتىق قولونەر بۇيىمدارىن جاسايتىن شەبەر كۇمىس قوسباي قۇرىلتاي دەپۋتاتتارىنىڭ سايلاۋىنا قاتىسىپ، داۋىس بەردى، دەپ حابارلايدى قوعامدىق كوممۋنيكاتسيا ورتالىعى.
ۇلتتىق قولونەردى دارىپتەپ جۇرگەن كوپبالالى انا سايلاۋ ۋچاسكەسىنە كەلىپ، ءوز تاڭداۋىن جاسادى. سونىمەن قاتار ول ارنايى دايىنداعان، «قۇرىلتاي 2026» جازۋى بەينەلەنگەن كيىزدەن جاسالعان بۇيىمداردى اۋدان مەكتەپتەرىنىڭ بىرىندەگى مۇراجاي قورىنا سىيعا تارتتى.
بۇل – ەل تاريحىندا العاش رەت ءوتىپ وتىرعان قۇرىلتاي سايلاۋىنا وراي ۇلتتىق ونەردى ۇلىقتاعان ەرەكشە باستامالاردىڭ ءبىرى. شەبەردىڭ ءوز قولىمەن دايىنداعان تەكەمەتتى ءدال وسى تاريحي كۇنى مەكتەپ مۇراجايىنا تارتۋ ەتۋى كەيىنگى ۇرپاققا بۇگىنگى ماڭىزدى ساياسي وقيعانىڭ وزىندىك بەلگىسىن قالدىرۋدى كوزدەيدى.
قولونەر شەبەرىنىڭ ايتۋىنشا، بۇل باستاما ارقىلى ۇلتتىق ونەردى ناسيحاتتاپ، ەلدىڭ قوعامدىق-ساياسي ومىرىندەگى اسا ماڭىزدى ءىس-شاراعا ءوز ۇلەسىن قوسۋدى ماقسات ەتكەن.
