"حالىق تاريحي تاڭداۋ جاسادى": اشىمباەۆ توقاەۆتى سايلاۋداعى جەڭىسىمەن قۇتتىقتادى

3745
Adyrna.kz Telegram

سەنات توراعاسى ماۋلەن اشىمباەۆ قاسىم-جومارت توقاەۆتى سايلاۋداعى جەڭىسىمەن قۇتتىقتادى. بۇل تۋرالى Baq.kz حابارلادى، دەپ جازادى "ادىرنا" ۇلتتىق پورتالى. 

"بۇل – بىرلىكتىڭ وزىق ۇلگىسىن كورسەتكەن بارشا وتانداسىمىزدىڭ ورتاق جەڭىسى! وسىلايشا حالىق وزگەرىستەر مەن رەفورمالاردى قولداپ، تاريحي تاڭداۋ جاسادى جانە ادىلەتتى قازاقستان قۇرۋ ءۇشىن داۋىس بەردى. ەندى الدىمىزدا قۋاتتى جانە دەموكراتيالى قازاقستان قۇرۋ جولىنداعى ماڭىزدى مىندەتتەر تۇر. سونىڭ ءبارىن تابىستى ىسكە اسىرۋ ءۇشىن ءارى قاراي دا پرەزيدەنتىمىزدىڭ ماڭىنا توپتاسۋ اسا ماڭىزدى. وسى رەتتە قاسىم-جومارت كەمەلۇلىن جانە ادىلەتتىلىك ءۇشىن داۋىس بەرگەن مەملەكەت باسشىسىنىڭ بارشا جاقتاستارىن بۇگىنگى ايقىن جەڭىسپەن شىن جۇرەكتەن قۇتتىقتايمىن!", - دەدى ماۋلەن اشىمباەۆ.

"ادىرنا" ۇلتتىق پورتالى 

 

پىكىرلەر