مەملەكەت باسشىسى قاسىم-جومارت توقاەۆ جانتىلەك نۇرتىلەپۇلىن "Qazaqstan Barysy – 2026" تۋرنيرىندەگى ايقىن جەڭىسىمەن قۇتتىقتادى، دەپ حابارلايدى "ادىرنا".
بۇل تۋرالى بۇگىن، 16 تامىزدا قر پرەزيدەنتىنىڭ كەڭەسشىسى - ءباسپاسوز حاتشىسى ايبەك سمادياروۆ حابارلادى.
"پرەزيدەنت بۇل جەتىستىك سپورتشىنىڭ جەڭىسكە دەگەن ەرىك-جىگەرى مەن وزىق شەبەرلىگىنىڭ ايقىن كورىنىسى ەكەنىن اتاپ ءوتتى. سونىمەن قاتار مەملەكەت باسشىسى مۇنداي بەدەلدى باسەكەلەر حالقىمىزدىڭ بىرەگەي داستۇرلەرىن جاڭعىرتىپ، وسكەلەڭ ۇرپاقتى ۇلتتىق سپورت تۇرلەرىمەن اينالىسۋعا ىنتالاندىراتىنىنا نازار اۋداردى", دەلىنگەن حابارلامادا.
بۇعان دەيىن ماڭعىستاۋ وبلىسىنىڭ وكىلى جانتىلەك نۇرتىلەپۇلى ("لاباق باتىر") قازاق كۇرەسىنەن ەلىمىزدىڭ باستى دوداسى – Qazaqstan Barysy – 2026 سۋپەرتۋرنيرىنىڭ جەڭىمپازى اتانىپ، التىن بەلبەۋدى جەڭىپ العان ەدى.
