Memleket basşysy Qasym-Jomart Toqaev Jantılek Nūrtılepūlyn "Qazaqstan Barysy – 2026" turnirındegı aiqyn jeŋısımen qūttyqtady, dep habarlaidy "Adyrna".
Būl turaly bügın, 16 tamyzda QR prezidentınıŋ keŋesşısı - baspasöz hatşysy Aibek Smadiiarov habarlady.
"Prezident būl jetıstık sportşynyŋ jeŋıske degen erık-jıgerı men ozyq şeberlıgınıŋ aiqyn körınısı ekenın atap öttı. Sonymen qatar Memleket basşysy mūndai bedeldı bäsekeler halqymyzdyŋ bıregei dästürlerın jaŋǧyrtyp, öskeleŋ ūrpaqty ūlttyq sport türlerımen ainalysuǧa yntalandyratynyna nazar audardy", delıngen habarlamada.
Būǧan deiın Maŋǧystau oblysynyŋ ökılı Jantılek Nūrtılepūly ("Labaq batyr") qazaq küresınen elımızdıŋ basty dodasy – Qazaqstan Barysy – 2026 superturnirınıŋ jeŋımpazy atanyp, altyn belbeudı jeŋıp alǧan edı.
