ءبيبىسارا اساۋباەۆا الەمنىڭ ۇزدىك بەس شاحماتشىسىنىڭ قاتارىنا ەندى

201
Adyrna.kz Telegram
https://adyrna.kz/storage/uploads/QxqlyMa8tl4QwEfTq3ZAGFrabOlMykjWsYATb2V4.jpg

قازاقستاندىق شاحماتشى ءبيبىسارا اساۋباەۆا كلاسسيكالىق شاحمات بويىنشا ۇزدىك دەپ تانىلدى، دەپ حابارلايدى “ادىرنا”.

 ول حالىقارالىق شاحمات فەدەراتسياسىنىڭ جاڭارتىلعان رەيتينگىندە الەمنىڭ ۇزدىك بەس سپورتشىسىنىڭ قاتارىنا قوسىلدى.

جاڭارتىلعان ونلاين-رەيتينگتە ءبيبىسارا اساۋباەۆا جەتىنشى ورىننان بەسىنشى ساتىعا كوتەرىلدى. ونىڭ رەيتينگى 5,4 ۇپايعا ارتىپ، 2537,4 بالعا جەتتى. سوڭعى ءبىر جىلدا قازاقستاندىق شاحماتشى جالپى 24,4 ۇپاي جيناعان.

«بيىل كلاسسيكالىق شاحماتتاعى جارىستارىمدى جاقسى ناتيجەمەن اياقتاپ جاتىرمىن»، – دەپ جازدى سپورتشى الەۋمەتتىك جەلىدەگى پاراقشاسىندا.

ەسكە سالايىق، بۋداپەشتتە وتكەن تۋرنيردە ءبيبىسارا اساۋباەۆا الەمدىك رەيتينگتىڭ كوشباسشىسى، نورۆەگيالىق ماگنۋس كارلسەنمەن بىرنەشە پارتيادا كەزدەسكەن. 17 قاراشادا كارلسەن بليتستە قازاقستاندىق شاحماتشىنى ءۇش رەت جەڭىپ، ءبىر پارتيانى تەڭ اياقتادى. سونداي-اق راپيدتە وتكەن ەكى كەزدەسۋدە دە باسىم ءتۇستى.

الايدا نورۆەگيالىق شاحماتشى ءتۋرنيردىڭ شەشۋشى كەزدەسۋىنە قاتىسۋدان باس تارتتى. بۇل پارتيادا جەڭىمپازعا سەگىز ۇپاي بەرىلەتىن ەدى. بەلگىلەنگەن ۋاقىتتىڭ اياقتالۋىن كۇتكەن ءبيبىسارا اساۋباەۆا تەحنيكالىق جەڭىسكە قول جەتكىزدى.

پىكىرلەر