قاسىم-جومارت توقاەۆ قازاقستاننىڭ ەكونوميكالىق الەۋەتى مەن ينۆەستيتسيالىق تارتىمدىلىعىن ارتتىرۋ ءۇشىن اقش-قا ارنايى باردى. ءىسساپار بارىسىندا Microsoft, Coursera, StartX, Amazon, Pfizer, Medtronic, Netflix سەكىلدى ءىرى كومپانيا باسشىلارى جانە اقش-تاعى قازاق جاستارىمەن كەزدەسۋ وتكىزدى، دەپ جازادى "ادىرنا" ۇلتتىق پورتالى.
جاستارمەن كەزدەسۋ بارىسىندا پرەزيدەنتتىڭ "Google" كومپانياسىندا قىزمەت اتقاراتىن قازاق قىزمەن جۇرگىزگەن سۇحباتى ەل نازارىنا ىلىككەن.
- حالىقارالىق اقپاراتتىق تەحنولوگيالار ۋنيۆەرسيتەتىندە كومپيۋتەر سالاسىنان باكالاۆر دارەجەسىن الىپ، 2018 جىلى سان-فرانتسيسكوعا كەلدىم. بىرقاتار ستارتاپ كومپانيالاردا جۇمىس ىستەدىم. بۇگىندە "Google" كومپانياسىندا ۆيرتۋالدى ماشينالار باعدارلاماشىسى بولىپ كەلەمىن، - دەدى جاس مامان.
ەل پرەزيدەنتى قازاق قىزىنان "Google" كومپانياسىنداعى قىزمەتىنىڭ ۇزاق نە قىسقا مەرزىمدى ەكەندىگىن سۇراي كەلە:
-ەلگە قايتىپ كەلسەڭىز ءسىزدى كومەككە شاقىرامىن. بايلانىستا بولامىز عوي، ەندى. امەريكا دەگەن جاقسى، بىراق قىزمەتىڭىزدى قازاقستان مۇددەسىنە ىستەڭىز، - دەپ جاۋاپ قاتادى.
ەستەرىڭىزگە سالا كەتەيىك، ەل باسشىسى اقش-تا ەنەرگەتيكا، اۋىل شارۋاشىلىعى، ونەركاسىپ، كولىك-لوگيستيكا، تسيفرلاندىرۋ، قارجى جانە جاڭارتىلاتىن ەنەرگيا كوزدەرى سالالارىنداعى بىرلەسكەن ينۆەستيتسيالىق جوبالاردى ورتاعا سالىپ، ەكىجاقتى كەلىسوزدەر جۇرگىزىپ جاتىر.
"ادىرنا" ۇلتتىق پورتالى
