قازاقستان قۇراماسىنىڭ شابۋىلشىسى داستان ساتباەۆ لوندوندىق «چەلسي» كلۋبىنان چەمپيونشيپتە ونەر كورسەتەتىن «بەرنليدە» ءبىر ماۋسىمعا ويناماق، دەپ حابارلايدى "ادىرنا" ءتىلشىسى.
«بەرنلي» كلۋبى قازاقستاندىق فۋتبولشىنىڭ كوماندا قۇرامىنا قوسىلعانىن رەسمي تۇردە جاريالادى.
«قازاقستان قۇراماسىنىڭ ويىنشىسى داستان ساتباەۆ «چەلسيدەن» ءبىر ماۋسىمعا جالعا الىندى»، – دەپ جازدى اعىلشىن كلۋبى.
ساتباەۆتىڭ اۋىسۋى قازاقستاندىق جانكۇيەرلەردىڭ دە نازارىن اۋداردى. «بەرنلي» الەۋمەتتىك جەلىدەگى پاراقشالارىندا فۋتبولشىعا قاتىستى بىرنەشە جاريالانىم جاساپ، وتاندىق جانكۇيەرلەردىڭ بەلسەندى قولداۋىنا يە بولدى.
داستان جاڭا كلۋبقا اۋىسۋىن مانسابىنداعى ماڭىزدى تاجىريبە رەتىندە باعالادى.
«بۇل تەك باستاماسى. جالعا الۋ – مەنى ودان ءارى شىڭدايتىن جاڭا تاجىريبە. الدا بۇدان دا جاقسى كەزەڭدەر بار. العا، قازاق ەلىم!» – دەپ جازدى فۋتبولشى Instagram پاراقشاسىندا.
«بەرنلي» – 1882 جىلى قۇرىلعان انگليانىڭ كاسىبي فۋتبول كلۋبى.
