قازاقستان چەمپيوناتىنىڭ «اقجايىق» جانە «قىزىل-جار» كوماندالارى اراسىنداعى فۋتبول ماتچى توبەلەسپەن اياقتالدى. بۇل تۋرالى جەلىدە ۆيدەو تارادى، دەپ حابارلايدى “ادىرنا” ۇلتتىق پورتالى.
ويىن 2:2 ەسەبىمەن اياقتالدى، بىراق اقتىق ىسقىرىق ەستىلگەن سوڭ ارەكەت جالعاستى. فۋتبولشىلار توبەلەسىپ، جانكۇيەرلەر تورەشىگە پلاستيك بوتەلكەلەر مەن ىدىستاردى لاقتىرعان.
پوليتسيا ارالاسۋعا ءماجبۇر بولدى.
ويىنشىلار مەن جانكۇيەرلەردىڭ پىكىرىنشە، ادىلەتسىز بولعان تورەشىلىككە نارازىلىق تۋعان.
«تورەشىلەر توبىنىڭ جۇمىسى - ءبىزدىڭ جىگىتتەردى، ءبىزدىڭ كلۋبتى جانە قازاقستاندىق فۋتبولدى مازاق ەتۋ عانا. ولاي بولمايدى! قاتالدىعىم ءۇشىن كەشىرىڭىز، بىراق مەندە ءبارى بار! – دەدى كەزدەسۋدەن كەيىن «اقجايىقتىڭ» باپكەرى.
ايتا كەتەيىك، قازىر «اقجايىق» تۋرنير كەستەسىندە سوڭعى ورىندا. الدا ورالدىق كوماندانى 29 قازاندا وتەتىن «كاسپيمەن» ويىنى كۇتىپ تۇر.
