Qazaqstan qūramasynyŋ şabuylşysy Dastan Sätbaev londondyq «Chelsi» klubynan Chempionşipte öner körsetetın «Bernlide» bır mausymǧa oinamaq, dep habarlaidy "Adyrna" tılşısı.
«Bernli» kluby qazaqstandyq futbolşynyŋ komanda qūramyna qosylǧanyn resmi türde jariialady.
«Qazaqstan qūramasynyŋ oiynşysy Dastan Sätbaev «Chelsiden» bır mausymǧa jalǧa alyndy», – dep jazdy aǧylşyn kluby.
Sätbaevtyŋ auysuy qazaqstandyq janküierlerdıŋ de nazaryn audardy. «Bernli» äleumettık jelıdegı paraqşalarynda futbolşyǧa qatysty bırneşe jariialanym jasap, otandyq janküierlerdıŋ belsendı qoldauyna ie boldy.
Dastan jaŋa klubqa auysuyn mansabyndaǧy maŋyzdy täjıribe retınde baǧalady.
«Būl tek bastamasy. Jalǧa alu – menı odan ärı şyŋdaityn jaŋa täjıribe. Alda būdan da jaqsy kezeŋder bar. Alǧa, Qazaq elım!» – dep jazdy futbolşy Instagram paraqşasynda.
«Bernli» – 1882 jyly qūrylǧan Angliianyŋ käsıbi futbol kluby.
