Fasoollka لاقاپ اتىمەن تانىمال شەتەلدىك ستريمەر قىز كسەنيا گۋزاەۆا قازاقستان مەن ەل ازاماتتارىنا قاتىستى ارانداتۋشىلىق مالىمدەمەلەرى ءۇشىن ەلدەن دەپورتاتسيالاندى. وعان قازاقستانعا بەس جىل بويى كىرۋگە تىيىم سالىندى، دەپ حابارلايدى «ادىرنا» ءتىلشىسى.
گۋزاەۆا قازاقستانعا تامىز ايىنىڭ باسىندا كەلگەن. الايدا وعان دەيىن-اق ونىڭ ايتقان سوزدەرى قازاقستاندىق الەۋمەتتىك جەلى قولدانۋشىلارى اراسىندا ۇلكەن نارازىلىق تۋدىرعان بولاتىن. ستريمەر الماتىنىڭ ورتالىعىندا كيىز ۇيلەر مەن اتقا مىنگەن ادامداردى كورەمىن دەپ ويلاعانىن مالىمدەگەن.
سونداي-اق ول قازاقستان مەن پاكىستاننىڭ اراسىندا ايىرماشىلىق كورمەيتىنىن ايتىپ، ەلدى «شترافستان» دەپ اتاعان. بۇدان بولەك، Fasoollka پاۆلوداردى رەسەي قالاسى دەپ اتاپ، الماتىنى اۋىلعا تەڭەگەن جانە «تەڭگە» ءسوزىن دۇرىس ايتپاعانى ءۇشىن ايتىلعان سىنعا جاعىمسىز رەاكتسيا بىلدىرگەن.
«سوت شەشىمىمەن شەتەلدىك ازاماتشاعا اكىمشىلىك ايىپپۇل سالىندى. زاڭعا سايكەس ونىڭ ەلدەن شىعارىلۋى قامتاماسىز ەتىلەدى. سونداي-اق وعان قازاقستانعا كىرۋگە 5 جىلعا شەكتەۋ قويىلادى»، – دەدى استانا پوليتسياسى.
