فوتو: gov.kz
داۋرەنبەك ىرىسقالي «وتانداستار» قورىنىڭ پرەزيدەنتى بولىپ تاعايىندالدى. بۇل تۋرالى سىرتقى ىستەر مينيسترلىگىنىڭ ءباسپاسوز قىزمەتى جاريالادى، دەپ حابارلايدى "ادىرنا".
داۋرەنبەك ىرىسقالي الماتى پەداگوگيكالىق شەت تىلدەر ينستيتۋتىن بىتىرگەن.
ىرىسقالي داۋرەنبەك – "وتانداستار" قورى قۇرىلعالى بەرى تاعايىندالعان ءتورتىنشى پرەزيدەنت. قوردىڭ تۇڭعىش پرەزيدەنتى نۇرتاي ابىقاەۆ بولسا، كەيىن ابزال ساپاربەكۇلى قورعا ەكى جىل جەتەكشىلىك ەتتى. دانيار قادىروۆ تا ەكى جىلدان استام ۋاقىت "وتانداستار" قورىنىڭ پرەزيدەنتى بولدى.
ديپلوماتيالىق جولىن 1993 جىلى قازاقستان رەسپۋبليكاسى سىرتقى ىستەر مينيسترلىگى كونسۋلدىق باسقارماسىنىڭ رەفەرەنتى بولىپ باستاعان.
ءار جىلدارى قر ءسىم ورتالىق اپپاراتىندا، سونداي-اق قازاقستان رەسپۋبليكاسىنىڭ گەرمانيا مەن شۆەيتسارياداعى ديپلوماتيالىق وكىلدىكتەرىندە باسشىلىق قىزمەتتەردە بولدى.
2020–2021 جىلدارى قازاقستان رەسپۋبليكاسىنىڭ ومبى قالاسىنداعى (رەسەي فەدەراتسياسى) باس كونسۋلى قىزمەتىن اتقاردى.
2021–2024 جىلدارى قازاقستان رەسپۋبليكاسىنىڭ فەدەراتيۆتىك گەرمانيا رەسپۋبليكاسىنداعى ەلشىلىگىنىڭ بونن قالاسىنداعى بولىمشەسىنىڭ كەڭەسشى-ەميسسارى بولدى.
«وتانداستار قورى» كەاق پرەزيدەنتى بولىپ تاعايىندالعانعا دەيىن، 2024 جىلعى جەلتوقساننان باستاپ قازاقستان رەسپۋبليكاسى سىرتقى ىستەر مينيسترلىگى كونسۋلدىق قىزمەت دەپارتامەنتى ديرەكتورىنىڭ ورىنباسارى لاۋازىمىندا جۇمىس ىستەدى.
«قۇرمەت» وردەنىمەن، سونداي-اق «شاپاعات» جانە «قر سىرتقى ساياساتىنا قوسقان ۇلەسى ءۇشىن» مەدالدارىمەن ماراپاتتالعان.
ءىى كلاستى توتەنشە جانە وكىلەتتى ەلشى ديپلوماتيالىق دارەجەسى بار.
نەمىس ءتىلىن ەركىن مەڭگەرگەن.
