فوتو: اتىراۋ اكىمدىگى
اتىراۋ قالاسىنداعى «گراند اتىراۋ» تۇرعىن ءۇي كەشەنىنىڭ «ب» بلوگىندا ءۇشىنشى قاباتتان ليفت قۇلاپ، بىرنەشە ادام جارالاندى. وقيعاعا قاتىستى قالا اكىمدىگى رەسمي مالىمدەمە جاساپ، جاعدايدان حاباردار ەتتى، دەپ حابارلايدى "ادىرنا".
«قالا اكىمى ليفت وقيعاسىنىڭ ءمان-جايىن باقىلاۋىنا الدى. وقيعا كەزىندە ليفت ىشىندە 4 ادام بولعان. ءۇش تۇرعىن جەدەل جاردەم بريگاداسىمەن مەديتسينالىق تەكسەرۋدەن ءوتۋ ءۇشىن اۋرۋحاناعا جەتكىزىلدى. الدىن الا مالىمەت بويىنشا، ولاردىڭ جاعدايى قاناعاتتانارلىق. ءبىر تۇرعىن مەديتسينالىق كومەكتەن باس تارتقان. وقيعانىڭ ءمان-جايىن قالا اكىمى دانيار تاحانوۆ تىكەلەي باقىلاۋىنا الدى»، – دەلىنگەن حابارلامادا.
ءليفتىنىڭ نە سەبەپتى قۇلاعانى ازىرگە بەلگىسىز. وقيعانىڭ ءمان-جايىن جاۋاپتى قىزمەتتەر انىقتاپ جاتىر.
ۇقساس جاڭالىقتار
