Fasoollka laqap atymen tanymal şeteldık strimer qyz Kseniia Guzaeva Qazaqstan men el azamattaryna qatysty arandatuşylyq mälımdemelerı üşın elden deportasiialandy. Oǧan Qazaqstanǧa bes jyl boiy kıruge tyiym salyndy, dep habarlaidy «Adyrna» tılşısı.
Guzaeva Qazaqstanǧa tamyz aiynyŋ basynda kelgen. Alaida oǧan deiın-aq onyŋ aitqan sözderı qazaqstandyq äleumettık jelı qoldanuşylary arasynda ülken narazylyq tudyrǧan bolatyn. Strimer Almatynyŋ ortalyǧynda kiız üiler men atqa mıngen adamdardy köremın dep oilaǧanyn mälımdegen.
Sondai-aq ol Qazaqstan men Päkıstannyŋ arasynda aiyrmaşylyq körmeitının aityp, eldı «Ştrafstan» dep ataǧan. Būdan bölek, Fasoollka Pavlodardy Resei qalasy dep atap, Almatyny auylǧa teŋegen jäne «teŋge» sözın dūrys aitpaǧany üşın aitylǧan synǧa jaǧymsyz reaksiia bıldırgen.
«Sot şeşımımen şeteldık azamatşaǧa äkımşılık aiyppūl salyndy. Zaŋǧa säikes onyŋ elden şyǧaryluy qamtamasyz etıledı. Sondai-aq oǧan Qazaqstanǧa kıruge 5 jylǧa şekteu qoiylady», – dedı Astana polisiiasy.
