رەسەيلىك تانىمال ستريمەرلەر انار ابدۋللاەۆ پەن رەناتكو الماتىدا قازاقستاندىق قىزداردى قورلاعانى ءۇشىن 15 تاۋلىككە قاماۋعا الىندى. بۇل تۋرالى Sports.ru باسىلىمى جازدى، دەپ حابارلايدى "ادىرنا".
«ولاردىڭ ۇستالۋىنا ستريم بارىسىندا قازاقستاندىق قىزداردىڭ اتىنا ايتىلعان قورلايتىن سوزدەر سەبەپ بولدى»، — دەپ جازدى باسىلىم.
قاماۋعا الىنعانىن باسقا ستريمەر راۆشان دا راستادى.
ء«بىز دە، جىگىتتەر دە سوزىمىزبەن نەمەسە ارەكەتىمىزبەن ەشقانداي تەرىس نيەت تانىتقىمىز كەلگەن جوق. جىگىتتەرىمىزدىڭ ايتقان سوزدەرى ارقىلى رەنجىگەن بارلىق ادامداردان شىن جۇرەكتەن كەشىرىم سۇرايمىز»، — دەدى راۆشان.
بۇل اقپاراتتى الماتى قالالىق پوليتسيا دەپارتامەنتىنىڭ ءباسپاسوز قىزمەتى دە راستادى. ۆەدومستۆو وكىلدەرىنىڭ ايتۋىنشا، ۇساق بۇزاقىلىق فاكتىسى بويىنشا ەكى شەتەل ازاماتىنا قاتىستى اكىمشىلىك ءىس قوزعالعان.
كەيىن ءىس سوتقا جولدانىپ، سوت شەشىمىمەن ەكەۋىنە دە 15 تاۋلىككە قاماۋ جازاسى تاعايىندالدى.
