الماتى تاۋلارىندا جوعالىپ كەتكەن وڭتۇستىك كورەيا ازاماتىن ىزدەۋ جۇمىستارى جالعاسىپ جاتىر، دەپ حابارلايدى «ادىرنا» ءتىلشىسى.
توتەنشە جاعدايلار مينيسترلىگىنىڭ مالىمەتىنشە، قۇتقارۋشىلار كورەيا رەسپۋبليكاسىنىڭ ازاماتىن ىزدەۋ اياسىندا تاۋلى ايماقتاردى تەكسەرۋدى جالعاستىرۋدا.
«ىزدەۋ جۇمىستارى جەر بەدەرىنىڭ كۇردەلىلىگىنە، اۋماقتىڭ اۋقىمدىلىعىنا جانە بيىكتىك ايىرماشىلىقتارىنىڭ كوپ بولۋىنا بايلانىستى قيىن جاعدايدا جۇرگىزىلۋدە. اسىرەسە جەتۋى قيىن ۋچاسكەلەرگە، تاۋ بەتكەيلەرىنە، شاتقالدارعا جانە وتۋگە قولايسىز باسقا دا ايماقتارعا ەرەكشە نازار اۋدارىلۋدا»، – دەپ جازدى مينيسترلىكتىڭ ءباسپاسوز قىزمەتى.
ىزدەۋ-قۇتقارۋ جۇمىستارىنا تجم قىزمەتكەرلەرى مەن ەرىكتىلەردەن قۇرالعان 88 ادام، 10 تەحنيكا، ءۇش كينولوگيالىق توپ جانە جەتى ۇشقىشسىز ۇشۋ اپپاراتى جۇمىلدىرىلعان.
«ىزدەۋ جۇمىستارى ۇزدىكسىز جۇرگىزىلۋدە. تارتىلعان كۇشتەر مەن قۇرالدار تاۋلى اۋماقتاردى كەزەڭ-كەزەڭىمەن تەكسەرىپ جاتىر. ىزدەۋ-قۇتقارۋ وپەراتسياسىنىڭ بارىسى تجم-ءنىڭ تۇراقتى باقىلاۋىندا»، – دەلىنگەن حابارلامادا.
ەسكە سالايىق، 1953 جىلى تۋعان وڭتۇستىك كورەيا ازاماتىنىڭ جوعالعانى تۋرالى اقپارات قۇتقارۋشىلارعا 29 قىركۇيەكتە تۇسكەن بولاتىن.
