ابايعا قاتىستىنىڭ ءبارى قايىم مۇحامەدحانوۆ ءۇشىن قاسيەتتى ەدى.
بالا كەزىندە اكەسىنىڭ ۇيىنەن ابايدىڭ تۇڭعىش كىتابىن كورىپ، ونىڭ مۇقاباسىنداعى جازۋدى ەسىندە ساقتاپ قالدى: «ۆوستوچنايا ەلەتروپەچاتنيا يلياسا بوروگانسكوگو .سانكت-پەتەربۋرگ، 1909 گ »
قايىم مۇحامەدحانوۆ وسى ەسىمدى قايتا جاڭعىرتۋ ءۇشىن جيىرما جىلدان استام! ۋاقىت بويى كەڭەس وداعىنىڭ تۇكپىر-تۇكپىرىندەگى ارحيۆتەردى، ۋنيۆەرسيتەتتەر مەن كىتاپحانالاردى ۇزدىكسىز زەرتتەپ، دەرەك ىزدەدى. ونىڭ ماقساتى — يلياس بوراگانسكيدىڭ ەسىمىن تاريحقا قايتا ەنگىزۋ، ءومىربايانىن جازۋ جانە ونىڭ تۇركى حالىقتارىنىڭ مادەنيەتى مەن رۋحاني دامۋىنا قوسقان ۇلەسىن كورسەتۋ بولدى.
وسىلايشا، قايىم مۇحامەدحانوۆ تۇركى حالىقتارىنا ءىلياس بوراگانسكيدىڭ ەسىمىن قايتا سىيلادى.
ونىڭ 1971 جىلى قازاق، ورىس، وزبەك، تاتار، باشقۇرت جانە باسقا دا تىلدەردە جارىق كورگەن ماقالالارى ۇلكەن جاڭالىق بولىپ، سەنساتسيا تۋدىردى. سول كەزدە ءتۇرلى ۇلت وكىلدەرى قايىم مۇحامەدحانوۆقا العىستارىن ءبىلدىردى. ولار بۇگىن دە تاريحتىڭ ۇمىت قالعان ءبىر تۇلعاسىنىڭ ەسىمىن قايتا جاڭعىرتقانى ءۇشىن وعان ريزاشىلىقپەن قارايدى.
وكىنىشكە قاراي، بۇل تاريحي ەڭبەك تۋرالى كەيبىر عالىمدار مەن فيلم جاساۋشىلاردىڭ ءالى دە حاباردار ەمەستىگى بايقالادى. بۇل ادىلەتتى قازاقستاندى دامىتۋعا قىزمەت ەتپەيدى.
ۇقساس جاڭالىقتار
