لوندوندىق «چەلسي» كلۋبى ماۋسىم الدىنداعى وقۋ-جاتتىعۋ جيىنى مەن جولداستىق كەزدەسۋلەرگە قاتىساتىن ويىنشىلاردىڭ ءتىزىمىن جاريالادى. قۇرامعا قازاقستان ۇلتتىق قۇراماسىنىڭ شابۋىلشىسى داستان ساتباەۆ تا ەندى، دەپ حابارلايدى “ادىرنا”.
كلۋبتىڭ رەسمي الەۋمەتتىك جەلىدەگى پاراقشاسىندا جاريالانعان تىزىمدە قازاقستاندىق فۋتبولشىنىڭ ەسىمى تۇپكىلىكتى قۇرامنان ورىن العان.
الداعى تۋرنە اياسىندا «چەلسي» اۋستراليا مەن ازيا ەلدەرىندە بىرنەشە جولداستىق ماتچ وتكىزەدى. لوندوندىق كوماندا «ۆەستەرن سيدنەي ۋوندەرەرس»، «توتتەنحەم»، «يۋۆەنتۋس»، «ميلان» جانە «دجوحور دارۋل تازيم» كلۋبتارىمەن كەزدەسەدى.
وسىلايشا، داستان ساتباەۆ الەمنىڭ ايگىلى كلۋبتارىنا قارسى وتەتىن ماۋسىم الدىنداعى ويىنداردا ءوزىن كورسەتۋ مۇمكىندىگىنە يە بولادى.
ۇقساس جاڭالىقتار
