"تاليبان" قوزعالىسى اۋعانستاننىڭ جاڭا ۇكىمەتىن قۇردى

2910
Adyrna.kz Telegram

«تاليبان» قوزعالىسىنىڭ رەسمي وكىلى زابيحۋللا مۋدجاحيد اۋعانستاننىڭ جاڭادان قۇرىلعان ۇكىمەتتەگى جاڭا تاعايىنداۋلار تۋرالى مالىمدەدى، دەپ حابارلايدى "ادىرنا" ۇلتتىق پورتالى.

«اۋعانستان يسلام ەميراتىنىڭ» پرەمەرى مىندەتىن اتقارۋشى قىزمەتىنە موللا موحامماد حاسان احۋند تاعايىندالدى.

پرەمەر-ءمينيستردىڭ ءبىرىنشى ورىنباسارى  مۋللا ابدۋل عاني بارادار بولدى. ول توپتىڭ ۇيىمداستىرۋشىسىنىڭ ءبىرى، قۋعىندا جۇرگەندە قاتاردا تاليبان ۇكىمەتىن باسقارعان.

ەكىنشى ورىنباسارى-مۋللا ابدۋل سالام حانافي. ول دوحادا وتكەن كەلىسسوزدەردە تالىپتەر دەلەگاتسياسىنىڭ ەكىنشى تۇلعاسى بولدى.

"تاليبان" قوزعالىسىن ساياسي قاناتىنىڭ مۇشەسى - موللا ابدۋل حاك ۆاسيك اۋعانستاننىڭ بارلاۋ ءمينيسترى بولىپ تاعايىندالدى. ول بۇعان دەيىن تالىپتەردىڭ ساياسي باسقارماسىندا ەۋروپا بولىمىنە جەتەكشىلىك ەتكەن.

اۋعانستاننىڭ قورعانىس ءمينيسترى «تاليباننىڭ" نەگىزىن قالاۋشىلاردىڭ ءبىرى موللا مۇحاممەد ياكۋب ءمۋجاحيدتىڭ بالاسى بولدى.

ءىىم باسشىسى بولىپ قوزعالىس كوسەمدەرىنىڭ ءبىرى سيرادجۋددين حاككانيدىڭ ۇلى تاعايىندالدى. ول ۇيىمنىڭ ەڭ راديكالدى قاناتى «حاككاني جەلىسىنە» جەتەكشىلىك ەتكەن.

ءبىلىم ءمينيسترى - شەيح ماۆلاۆي نۋرۋللا مۋنير باسقارسا، مادەنيەت جانە اقپارات مينيسترلىگىنە زابيحۋللا مۋدجاحيد جەتەكشىلىك ەتەتىن بولدى.

اۋعانستاننىڭ سىرتقى ىستەر مينيسترلىگىن قوزعالىس كوسەمدەرىنىڭ ءبىرى موللا امير حان موتتاكي باسقارادى.

قارجى ءمينيسترى بولىپ موللا ەيادۋللا بادري تاعايىندالدى. ەكونوميكا مينيسترلىگىن موحامماد حانيف باسقارادى. ورتالىق بانكتىڭ باسشىسى - موللا موحامماد يدريس.

"ادىرنا" ۇلتتىق پورتالى

پىكىرلەر