قازاقستاندىق فۋتبولشى، لوندوننىڭ «چەلسي» كلۋبىنىڭ ويىنشىسى داستان ساتباەۆ پەن تانىمال ترەۆەل-بلوگەر داستان مۇحامەدراحىم (ByDastann) حالىقارالىق ۆولونتەرلەر جىلىنىڭ جاھاندىق امباسسادورلارى بولىپ تاعايىندالدى.
2026 جىل بىرىككەن ۇلتتار ۇيىمى باس اسسامبلەياسىنىڭ شەشىمىمەن قازاقستان پرەزيدەنتى قاسىم-جومارت توقاەۆتىڭ باستاماسى نەگىزىندە تۇراقتى دامۋ ماقساتىنداعى حالىقارالىق ۆولونتەرلەر جىلى بولىپ جاريالانعان.
باستاما حالىقارالىق قاۋىمداستىقتىڭ قولداۋىنا يە بولىپ، بۇۇ-عا مۇشە مەملەكەتتەر ۆولونتەرلىك قىزمەتتى دامىتۋعا، ءوزارا كومەك، جاناشىرلىق جانە ازاماتتىق جاۋاپكەرشىلىك قۇندىلىقتارىن كەڭىنەن ناسيحاتتاۋعا نيەت ءبىلدىردى.
ۇيىمداستىرۋشىلاردىڭ ايتۋىنشا، جاڭا جاھاندىق امباسسادورلار جاستار اراسىندا ۆولونتەرلىك مادەنيەتتى دارىپتەپ، قوعامعا پايدالى باستامالاردى قولداۋعا ۇلەس قوسادى.
