فوتو: جاساندى ينتەللەكت جانە تسيفرلىق دامۋ مينيسترلىگى
بۇگىن، 13 شىلدەدە بايقوڭىر عارىش ايلاعىندا پرەمەر-ءمينيستردىڭ ورىنباسارى – جاساندى ينتەللەكت جانە تسيفرلىق دامۋ ءمينيسترى جاسلان ماديەۆ اقش-تىڭ ۇلتتىق اەروناۆتيكا جانە عارىش كەڭىستىگىن زەرتتەۋ باسقارماسىنىڭ (NASA) باسشىسى دجارەد ايزەكپانمەن كەزدەستى، دەپ حابارلايدى “ادىرنا”.
كەزدەسۋ بارىسىندا تاراپتار قازاقستان مەن اقش اراسىنداعى عارىش سالاسى بويىنشا ارىپتەستىكتى ودان ءارى نىعايتۋ ماسەلەلەرىن تالقىلادى. اڭگىمە وزەگىندە عارىش عىلىمى، استروفيزيكا، سپۋتنيكتىك تەحنولوگيالار جانە جەردى قاشىقتىقتان زوندتاۋ باعىتتارى بويىنشا بىرلەسكەن جوبالاردى جۇزەگە اسىرۋ ماسەلەلەرى بولدى.
سونىمەن قاتار، عىلىمي ۇيىمدار مەن جوعارى وقۋ ورىندارى اراسىنداعى ىنتىماقتاستىقتى كەڭەيتۋ، بىلىكتى كادرلار دايارلاۋ جانە عارىش يندۋسترياسىنداعى كوممەرتسيالىق سەرىكتەستىكتى دامىتۋ پەرسپەكتيۆالارى قاراستىرىلدى.
جاسلان ماديەۆتىڭ ايتۋىنشا، NASA-مەن ارىپتەستىكتى دامىتۋ قازاقستاننىڭ عىلىمي-تەحنولوگيالىق الەۋەتىن ارتتىرۋ ءۇشىن ماڭىزدى ستراتەگيالىق قادام سانالادى.
“قازاقستان NASA-مەن ۇزاق مەرزىمدى ءارى ناقتى ناتيجەگە باعىتتالعان ىنتىماقتاستىقتى دامىتۋعا مۇددەلى. بۇل بىرلەسكەن عىلىمي زەرتتەۋلەر جۇرگىزۋدى، وزىق تەحنولوگيالاردى ەنگىزۋدى جانە جاڭا بۋىن ماماندارىن دايارلاۋدى قامتيدى،” – دەدى مينيستر.
كەزدەسۋ قورىتىندىسىندا تاراپتار ديالوگتى جالعاستىرۋعا نيەتتى ەكەندەرىن ءبىلدىرىپ، سالالىق ماماندارعا بولاشاقتاعى بىرلەسكەن جوبالاردىڭ ناقتى ءىس-قيمىل جوسپارىن ازىرلەۋدى تاپسىردى.
