Foto: Jasandy intellekt jäne sifrlyq damu ministrlıgı
Bügın, 13 şıldede Baiqoŋyr ǧaryş ailaǧynda Premer-ministrdıŋ orynbasary – Jasandy intellekt jäne sifrlyq damu ministrı Jaslan Mädiev AQŞ-tyŋ Ūlttyq aeronavtika jäne ǧaryş keŋıstıgın zertteu basqarmasynyŋ (NASA) basşysy Djared Aizekpanmen kezdestı, dep habarlaidy “Adyrna”.
Kezdesu barysynda taraptar Qazaqstan men AQŞ arasyndaǧy ǧaryş salasy boiynşa ärıptestıktı odan ärı nyǧaitu mäselelerın talqylady. Äŋgıme özegınde ǧaryş ǧylymy, astrofizika, sputniktık tehnologiialar jäne Jerdı qaşyqtyqtan zondtau baǧyttary boiynşa bırlesken jobalardy jüzege asyru mäselelerı boldy.
Sonymen qatar, ǧylymi ūiymdar men joǧary oqu oryndary arasyndaǧy yntymaqtastyqty keŋeitu, bılıktı kadrlar daiarlau jäne ǧaryş industriiasyndaǧy kommersiialyq serıktestıktı damytu perspektivalary qarastyryldy.
Jaslan Mädievtıŋ aituynşa, NASA-men ärıptestıktı damytu Qazaqstannyŋ ǧylymi-tehnologiialyq äleuetın arttyru üşın maŋyzdy strategiialyq qadam sanalady.
“Qazaqstan NASA-men ūzaq merzımdı ärı naqty nätijege baǧyttalǧan yntymaqtastyqty damytuǧa müddelı. Būl bırlesken ǧylymi zertteuler jürgızudı, ozyq tehnologiialardy engızudı jäne jaŋa buyn mamandaryn daiarlaudy qamtidy,” – dedı ministr.
Kezdesu qorytyndysynda taraptar dialogty jalǧastyruǧa niettı ekenderın bıldırıp, salalyq mamandarǧa bolaşaqtaǧy bırlesken jobalardyŋ naqty ıs-qimyl josparyn äzırleudı tapsyrdy.
