قازاقستان ەاەو-دا جالاقىسى تومەندەگەن جالعىز ەل اتاندى

قازاقستاندا 2025 جىلدىڭ قاڭتار-قىركۇيەك ايلارىنىڭ قورىتىندىسى بويىنشا اتاۋلى ورتاشا ايلىق جالاقى 433,3 مىڭ تەڭگەنى قۇرادى. اتاۋلى ماندە كورسەتكىش 10,6%-عا ارتقانىمەن, ناقتى ماندە 0,4%-عا تومەندەگەن. بۇل تۋرالى ەۋرازيالىق ەكونوميكالىق كوميسسيانىڭ ەكسپرەسس-ەسەبىندە كورسەتىلگەن، دەپ حابارلايدى «ادىرنا» ءتىلشىسى.

ەسەپتە قازاقستانداعى ورتاشا جالاقىنىڭ 833 دوللار ەكەنى دە اتاپ وتىلگەن. بۇل — ەاەو ەلدەرى اراسىنداعى 5 مەملەكەتتىڭ ىشىندە ءۇشىنشى كورسەتكىش.

جالاقى مولشەرى رەسەيدە – 1 137$, بەلارۋستە – 851$, ارمەنيادا – 759 جانە قىرعىزستاندا 490 دوللاردى قۇراپ وتىر.

قىرعىزستانداعى جالاقى دەڭگەيى سالىستىرمالى تۇردە تومەن بولعانىمەن، ەل ناقتى ورتاشا جالاقىنىڭ ەڭ جوعارى ءوسىمىن كورسەتىپ وتىر. ول وتكەن جىلدىڭ سايكەس كەزەڭىمەن سالىستىرعاندا 10,9%-عا جوعارى. ال قازاقستان ەاەو بويىنشا جالاقىنىڭ ناقتى ءوسىمى بولماي، كەرىسىنشە تومەندەگەن (-0,4) جالعىز مەملەكەت بولدى.