كولىك ءمينيسترى نۇرلان ساۋرانباەۆ تاياۋ شىعىستاعى قاقتىعىس كەزىندە قازاقستاندىقتاردى ەۆاكۋاتسيالاۋ شىعىندارى تۋرالى مالىمدەدى. بۇل تۋرالى ول 19 مامىر كۇنى ۇكىمەتتەگى ءباسپاسوز كونفەرەنتسياسىندا ايتتى، دەپ حابارلايدى "ادىرنا".
ءمينيستردىڭ ايتۋىنشا، العاشقى كەزەڭدە شامامەن 4 مىڭ ادام ەلگە قايتارىلعان. كەيىن قاقتىعىس ايماعىندا 10 مىڭنان استام قازاقستاندىق بار ەكەنى انىقتالعان.
ء«بىز اۋە كومپانيالارىنىڭ شىعىندارىنىڭ ءبىر بولىگىن وتەدىك. سەبەبى ول جاقتا بولعان جولاۋشىلاردىڭ ءبىر بولىگى كەرى بيلەتتەرىن وسى اۋە كومپانيالارىنان ساتىپ العان، ياعني قىزمەت قۇنى ءىشىنارا تولەنگەن. سوعان سايكەس، ءبىز بەلگىلى ءبىر بولىگىن قوسىمشا تولەدىك. سونىمەن قاتار ازاماتتاردىڭ ءبىر بولىگىن دۋبايدان جاعدايى تۇراقتىراق كورشىلەس ەلدەرگە جەتكىزۋ قاجەت بولدى. وسى شارالاردىڭ بارلىعىنا شامامەن 4 ملن دوللار جۇمسالدى»، – دەدى مينيستر.
2026 جىلعى 14 ناۋرىزدا سىرتقى ىستەر مينيسترلىگى جالپى سانى 10 275 ادامنىڭ قازاقستانعا ورالعانىن حابارلاعان ەدى. ەۆاكۋاتسيا ءارتۇرلى باعىتتار، سونىڭ ىشىندە اۋە جانە جەرۇستى جولدارى ارقىلى جۇرگىزىلگەن.
