كەزەكتەن تىس پرەزيدەنت سايلاۋى اياسىندا وتكىزىلەتىن دەباتقا 63 ملن تەڭگە بولىنەدى. بۇل تۋرالى ورتالىق سايلاۋ كوميسسياسىنىڭ مۇشەسى اناستاسيا ششەگورتسوۆا ايتتى، دەپ حابارلايدى “ادىرنا” ۇلتتىق پورتالى.
«حابار» تەلەارناسىنىڭ ءوتىنىمى بويىنشا 63 ملن تەڭگە ۇسىنىلدى، - دەدى ششەگورتسوۆا وسك وتىرىسىندا.
تەلەارنا وكىلى بۇل اقشانىڭ قايدا جۇمسالاتىنىن ءتۇسىندىردى.
«بۇل قارجى ستۋديانى جاساقتاۋعا، تىكەلەي ەفيردى ۇيىمداستىرۋعا، قوسىمشا قىزمەتكەرلەردى جالداۋعا جۇمسالادى. بۇل باعدارلامانى ۇيىمداستىرۋ «حابار» تەلەارناسىنىڭ جوسپارىنا كىرمەگەن. شىعىن وسك شىعىسىنىڭ سمەتاسىندا كورسەتىلگەن. زاڭعا سايكەس، وسك-دا دەبات وتكىزە الادى»، - دەدى «حابار» اق باسقارما توراعاسىنىڭ ورىنباسارى داۋلەتحان جيەنقۇلوۆ.
ايتا كەتەيىك، دەبات 11 قاراشادا «حابار» تەلەراناسىنىڭ تىكەلەي ەفيرىنەن كورسەتىلەدى. وعان پرەزيدەنتتىككە ۇمىتكەرلەر قاتىسادى.
