تۇركيا پرەزيدەنتى رەجەپ تايىپ ەردوعان ءيزرايلدىڭ يرانعا جاساعان شابۋىلىن ايىپتادى، دەپ حابارلايدى “ادىرنا” ۇلتتىق پورتالى.
مالىمەتكە سايكەس، ەردوعان بۇل پىكىرىن ساۋد ارابياسىنىڭ مۇراگەر حانزاداسى مۇحاممەد بەن سالمانمەن تەلەفون ارقىلى سويلەسكەن كەزىندە ايتتى. اڭگىمە بارىسىندا تاراپتار يزرايل مەن يران اراسىنداعى شيەلەنىستى، سونداي-اق باسقا دا ايماقتىق جانە جاھاندىق ماسەلەلەردى تالقىلاعان.
“يزرايل يرانعا شابۋىل جاساۋ ارقىلى تاياۋ شىعىستاعى تۇراقتىلىق پەن قاۋىپسىزدىككە ەڭ ۇلكەن قاتەر ءتوندىرىپ وتىرعانىن تاعى دا دالەلدەدى”، – دەدى تۇركيا پرەزيدەنتى.
ەردوعان سونىمەن قاتار حالىقارالىق قاۋىمداستىقتىڭ ءيزرايلدىڭ پالەستيناداعى ارەكەتتەرىنە بەيجاي قاراۋى تەل-ءاۆيۆتىڭ اگرەسسياسىن ودان ءارى كۇشەيتكەنىن اتاپ ءوتتى.
ونىڭ ايتۋىنشا، يرانعا جاسالعان شابۋىل يادرولىق كەلىسسوزدەر ءجۇرىپ جاتقان شاقتا ورىن الىپ، بەيبىت ديالوگقا كەسىرىن تيگىزىپ وتىر.
ء“يزرايلدىڭ شابۋىلدارى تەك ايماقتىق ەمەس، جاھاندىق قاۋىپسىزدىككە دە قاۋىپ توندىرەدى. مۇنداي داۋلار تەك ديپلوماتيالىق جولمەن، كەلىسسوزدەر ارقىلى شەشىلۋى ءتيىس”، – دەدى ەردوعان.
ۇقساس جاڭالىقتار
