Kölık ministrı Nūrlan Sauranbaev Taiau Şyǧystaǧy qaqtyǧys kezınde qazaqstandyqtardy evakuasiialau şyǧyndary turaly mälımdedı. Būl turaly ol 19 mamyr künı Ükımettegı baspasöz konferensiiasynda aitty, dep habarlaidy "Adyrna".
Ministrdıŋ aituynşa, alǧaşqy kezeŋde şamamen 4 myŋ adam elge qaitarylǧan. Keiın qaqtyǧys aimaǧynda 10 myŋnan astam qazaqstandyq bar ekenı anyqtalǧan.
«Bız äue kompaniialarynyŋ şyǧyndarynyŋ bır bölıgın ötedık. Sebebı ol jaqta bolǧan jolauşylardyŋ bır bölıgı kerı biletterın osy äue kompaniialarynan satyp alǧan, iaǧni qyzmet qūny ışınara tölengen. Soǧan säikes, bız belgılı bır bölıgın qosymşa töledık. Sonymen qatar azamattardyŋ bır bölıgın Dubaidan jaǧdaiy tūraqtyraq körşıles elderge jetkızu qajet boldy. Osy şaralardyŋ barlyǧyna şamamen 4 mln dollar jūmsaldy», – dedı ministr.
2026 jylǧy 14 nauryzda Syrtqy ıster ministrlıgı jalpy sany 10 275 adamnyŋ Qazaqstanǧa oralǧanyn habarlaǧan edı. Evakuasiia ärtürlı baǧyttar, sonyŋ ışınde äue jäne jerüstı joldary arqyly jürgızılgen.
