وبلىس اكىمى مۇرات ەرگەشباەۆ، پارلامەنت سەناتى مەن ءماجىلىسىنىڭ دەپۋتاتتارى رۋسلان رۇستەموۆ، مۇرات ابەنوۆ، مارحابات جايىمبەتوۆ، ءماسليحات دەپۋتاتتارى، زيالى قاۋىم وكىلدەرى مەن ەل اعالارى مەملەكەت باسشىسىنىڭ قولداۋىمەن سالىنعان، جىل بويى ۇزدىكسىز قىزمەت كورسەتەتىن «AI-KERIM» وقۋ-ساۋىقتىرۋ ورتالىعىنىڭ اشىلۋ راسىمىنە قاتىستى.
وقۋ جىلى اياقتالۋعا جاقىن قالعاندا وقۋشىلار دەمالىسىن ءتيىمدى ۇيىمداستىرۋ ءۇشىن ىسكە قوسىلعان ورتالىق پرەزيدەنت ساياباعى اۋماعىندا ورنالاسقان. قۇرىلىسى بىلتىر قىركۇيەك ايىندا سول كەزدەگى ايماق باسشىسى نۇرلىبەك ماشبەكۇلىنىڭ باستاماسىمەن قولعا الىنعان بولاتىن.
بۇگىندە وڭىردە 180 مىڭعا جۋىق مەكتەپ وقۋشىسى بار. ولار جازعى دەمالىسىن قىزىقتى ءارى پايدالى وتكىزۋى ءۇشىن كەشەندى جۇمىس جوسپارلانعان. بيىل 170 مىڭنان استام جەتكىنشەكتىنىعۋ لاگەرلەرىنە، 150 مىڭعا جۋىعى مەكتەپ جانىنداعى لاگەرلەردە دەمالادى. وڭىردە 7 لاگەر جۇمىس ىستەيدى.
راسىمدە وبلىس اكىمى جاڭا ورتالىق جاس ۇرپاقتىڭ جان-جاقتى دامۋىنا، دەمالىسىنا جانە بوس ۋاقىتىن ءتيىمدى وتكىزۋىنە مۇمكىندىك بەرەتىن ماڭىزدى جوبا ەكەنىن اتاپ ءوتتى.
«بۇگىن پرەزيدەنت ساياباعى اۋماعىندا مەملەكەت باسشىسىنىڭ قولداۋىمەن جىل بويى ۇزدىكسىز قىزمەت كورسەتەتىن وقۋ-ساۋىقتىرۋ ورتالىعىن اشىپ وتىرمىز. 10 ملرد تەڭگەگە سالىنعان جاڭا نىساننىڭ ماتەريالدىق-تەحنيكالىق بازاسى الەمدىك وزىق ستاندارتتارعا تولىق سايكەس كەلەدى. 300 ورىندىق ورتالىق اۋماعىندا 5 مىڭ شارشى مەترگە جۋىق اكىمشىلىك عيمارات، اۋقىمدى ءىس-شارالارعا ارنالعان يۆەنت-ايماق، 4 جايلى جاتاقحانا جانە قوناقۇي ۇلگىسىندەگى عيمارات بار.
سونىمەن قاتار بالالاردىڭ دەمالىسىن ءتيىمدى ۇيىمداستىرۋ ءۇشىن بارلىق قاجەتتى ينفراقۇرىلىم مەن زاماناۋي جابدىقتار ورناتىلىپ، دەمالىس ايماقتارى جاساقتالعان. الداعى ۋاقىتتا 17 مىڭنان استام شارشى مەتر اۋماعى تولىق اباتتاندىرىلىپ، كوگالداندىرىلادى.
حالىقارالىق بالالاردى قورعاۋ كۇنى قارساڭىندا اشىلىپ وتىرعان بۇل ورتالىق مەملەكەت باسشىسىنىڭ قولداۋىمەن جاس ۇرپاققا جاسالعان تاماشا تارتۋ، – دەدى مۇرات نالقوجاۇلى.
وقۋ-ساۋىقتىرۋ ورتالىعىنىڭ باستى ەرەكشەلىگى – قاسىندا زاماناۋي ستاندارتتارعا ساي بوتانيكالىق باقتىڭ بولۋى. مۇندا بالالاردىڭ ەكولوگيالىق ءبىلىمىن جەتىلدىرۋگە جانە وسىمدىكتەردىڭ ەكوجۇيەدەگى ماڭىزىن تۇسىندىرۋگە باعىتتالعان وقۋ-تانىمدىق جۇمىستار جۇرگىزىلەدى. وڭتۇستىك افريكا، ورتالىق جانە وڭتۇستىك امەريكا، قىتايدان اكەلىنگەن وسىمدىكتەر وسىرىلەدى.
پرەزيدەنت ساياباعى اۋماعى دا قىزىلورداداعى قارقىندى قۇرىلىس الاڭىنا اينالعان. تۇرعىن ۇيلەر، الەۋمەتتىك نىساندار، دەمالىس ورىندارى بىرتىندەپ بوي كوتەرىپ كەلەدى. وقۋ-ساۋىقتىرۋ ورتالىعى – مۇنداعى ىسكە قوسىلعان العاشقى نىسان.
كەيىنگى جىلدارى ايماقتا مەملەكەت باسشىسىنىڭ جانە ۇكىمەتتىڭ قولداۋىمەن 200-گە جۋىق الەۋمەتتىك نىسان سالىنعانى بەلگىلى. ءبىر عانابىلىم بەرۋ سالاسىندا 43 نىسان پايدالانۋعا بەرىلدى. ولاردىڭ قاتارىندا پرەزيدەنت باستاماسىمەن قولعا الىنعان «كەلەشەك مەكتەپتەرى» ۇلتتىق جوباسى اياسىنداعى 10 مەكتەپ،فيزيكا-ماتەماتيكا باعىتىنداعى ء«بىلىم-يننوۆاتسيا» ليتسەي-ينتەرناتى، مۋزىكالىق كوللەدجدىڭ جاڭا وقۋ عيماراتى مەن جاتاقحاناسى، «وقۋشىلار سارايى» جانە «سىر جۇلدىزدارى» اكادەمياسى بار. جالاعاش، جاڭاقورعان جانە شيەلى اۋداندارىنداعى «وقۋشىلار ءۇيى» مەن «ونەر مەكتەبى» جاس جەتكىنشەكتەردىڭ شىعارماشىلىق جانە زياتكەرلىك الەۋەتىن دامىتۋعا قىزمەت ەتۋدە.
راسىمدە مۇرات ابدۋلاميتۇلى، رۋسلان رۇستەمۇلى، مەملەكەت جانە قوعام قايراتكەرى مۇرات باقتيارۇلى ءسوز سويلەدى. ءبىلىم بەرۋ سالاسىنىڭ دامۋىنا ەلەۋلى ۇلەس قوسقان ۇستازدار قاۋىمى، جاڭا نىسان قۇرىلىسىن مەرزىمىندە اياقتاعان مەردىگەر مەكەمە قىزمەتكەرلەرى وبلىس اكىمىنىڭ العىس حاتىمەن ماراپاتتالدى.
