Qyzylordada «AI-Kerim» oqu-sauyqtyru ortalyǧy paidalanuǧa berıldı

Oblys äkımı Mūrat Ergeşbaev, Parlament Senaty men Mäjılısınıŋ deputattary Ruslan Rüstemov, Mūrat Äbenov, Marhabat Jaiymbetov, mäslihat deputattary, ziialy qauym ökılderı men el aǧalary Memleket basşysynyŋ qoldauymen salynǧan, jyl boiy üzdıksız qyzmet körsetetın «AI-KERIM» oqu-sauyqtyru ortalyǧynyŋ aşylu räsımıne qatysty.

Oqu jyly aiaqtaluǧa jaqyn qalǧanda oquşylar demalysyn tiımdı ūiymdastyru üşın ıske qosylǧan ortalyq Prezident saiabaǧy aumaǧynda ornalasqan. Qūrylysy byltyr qyrküiek aiynda sol kezdegı aimaq basşysy Nūrlybek Maşbekūlynyŋ bastamasymen  qolǧa alynǧan bolatyn.
Bügınde öŋırde 180 myŋǧa juyq mektep oquşysy bar. Olar jazǧy demalysyn qyzyqty ärı paidaly ötkızuı üşın keşendı jūmys josparlanǧan. Biyl 170 myŋnan astam jetkınşektynyǧu lagerlerıne, 150 myŋǧa juyǧy mektep janyndaǧy lagerlerde demalady. Öŋırde 7 lager jūmys ısteidı.
Räsımde oblys äkımı jaŋa ortalyq jas ūrpaqtyŋ jan-jaqty damuyna, demalysyna jäne bos uaqytyn tiımdı ötkızuıne mümkındık beretın maŋyzdy joba ekenın atap öttı.
«Bügın Prezident saiabaǧy aumaǧynda Memleket basşysynyŋ qoldauymen jyl boiy üzdıksız qyzmet körsetetın oqu-sauyqtyru ortalyǧyn aşyp otyrmyz. 10 mlrd teŋgege salynǧan jaŋa nysannyŋ materialdyq-tehnikalyq bazasy älemdık ozyq standarttarǧa tolyq säikes keledı. 300 oryndyq ortalyq aumaǧynda 5 myŋ şarşy metrge juyq äkımşılık ǧimarat, auqymdy ıs-şaralarǧa arnalǧan ivent-aimaq, 4 jaily jataqhana jäne qonaqüi ülgısındegı ǧimarat bar.
Sonymen qatar balalardyŋ demalysyn tiımdı ūiymdastyru üşın barlyq qajettı infraqūrylym men zamanaui jabdyqtar ornatylyp, demalys aimaqtary jasaqtalǧan. Aldaǧy uaqytta 17 myŋnan astam şarşy metr aumaǧy tolyq abattandyrylyp, kögaldandyrylady.
Halyqaralyq Balalardy qorǧau künı qarsaŋynda aşylyp otyrǧan būl ortalyq Memleket basşysynyŋ qoldauymen jas ūrpaqqa jasalǧan tamaşa tartu, – dedı Mūrat Nälqojaūly.
Oqu-sauyqtyru ortalyǧynyŋ basty erekşelıgı – qasynda zamanaui standarttarǧa sai Botanikalyq baqtyŋ boluy. Mūnda balalardyŋ ekologiialyq bılımın jetıldıruge jäne ösımdıkterdıŋ ekojüiedegı maŋyzyn tüsındıruge baǧyttalǧan oqu-tanymdyq jūmystar jürgızıledı. Oŋtüstık Afrika, Ortalyq jäne Oŋtüstık Amerika, Qytaidan äkelıngen ösımdıkter ösırıledı.
Prezident saiabaǧy aumaǧy da Qyzylordadaǧy qarqyndy qūrylys alaŋyna ainalǧan. Tūrǧyn üiler, äleumettık nysandar, demalys oryndary bırtındep boi köterıp keledı. Oqu-sauyqtyru ortalyǧy – mūndaǧy ıske qosylǧan alǧaşqy nysan. 
Keiıngı jyldary aimaqta Memleket basşysynyŋ jäne Ükımettıŋ qoldauymen 200-ge juyq äleumettık nysan salynǧany belgılı. Bır ǧanabılım beru salasynda 43 nysan paidalanuǧa berıldı. Olardyŋ qatarynda Prezident bastamasymen qolǧa alynǧan «Keleşek mektepterı» ūlttyq jobasy aiasyndaǧy 10 mektep,fizika-matematika baǧytyndaǧy «Bılım-innovasiia» lisei-internaty, muzykalyq kolledjdıŋ jaŋa oqu ǧimaraty men jataqhanasy, «Oquşylar saraiy» jäne «Syr jūldyzdary» akademiiasy bar. Jalaǧaş, Jaŋaqorǧan jäne Şielı audandaryndaǧy «Oquşylar üiı» men «Öner mektebı» jas jetkınşekterdıŋ şyǧarmaşylyq jäne ziiatkerlık äleuetın damytuǧa qyzmet etude.
Räsımde Mūrat Abdulamitūly, Ruslan Rüstemūly, memleket jäne qoǧam qairatkerı Mūrat Baqtiiarūly söz söiledı. Bılım beru salasynyŋ damuyna eleulı üles qosqan ūstazdar qauymy, jaŋa nysan qūrylysyn merzımınde aiaqtaǧan merdıger mekeme qyzmetkerlerı oblys äkımınıŋ Alǧys hatymen marapattaldy.