جەزقازعان قالاسىنىڭ اكىمى قايرات شايجانوۆ قالاداعى جىلۋ ەنەرگيا ورتالىعىنداعى (جەو) قازاندىقتاردىڭ توقتاپ قالۋىنا قاتىستى جاۋاپ بەردى، دەپ حابارلايدى "ادىرنا" ءتىلشىسى Kazinform سايتىنا سىلتەپ.
قازىرگى ۋاقىتتا جەو-دا 2 قازاندىق قانا جۇمىس ىستەپ تۇر، جىلۋ جەلىلەرىندەگى تەمپەراتۋرا نورمادان 10 گرادۋس تومەن، ياعني قالىپتى 73 گرادۋستىڭ ورنىنا، بىزدە 63 گرادۋس.
«كەشە كەشكە №4 قازاندىقتا جارىقشا پايدا بولدى. اقاۋ انىقتالعاننان كەيىن قازاندىق ءوشىرىلىپ، ماماندار جوندەۋگە كىرىستى. قازاندىق بۇگىن ساعات 20:00-گە دەيىن قايتا ىسكە قوسىلاتىن بولادى. بۇگىن ساعات 7:15-تە №5 قازاندىقتا تاعى ءبىر جارىقشا انىقتالدى. بۇل جوندەۋ جۇمىستارى تاڭەرتەڭ اياقتالادى دەپ كۇتىلۋدە. №6 قازاندىق بۇگىن ساعات 10:15-تە ىستەن شىقتى، ءتۇتىن سورعىش قوزعالتقىشى ىستەن شىققان. اتالمىش قازاندىق بۇگىن ءتۇن ورتاسىنا دەيىن قالىپقا كەلتىرىلەدى دەپ كۇتىلۋدە»، - دەپ مالىمدەدى قالا اكىمى قايرات شايجانوۆ.
قالا باسشىلىعى وسى تۇندە 4 قازاندىق جۇمىس ىستەپ، تەمپەراتۋرا قالىپقا كەلەدى دەپ ۋادە بەرىپ وتىر. جەو ماماندارى تاڭەرتەڭ 10.00-دە 5-ءشى قازاندىقتى ىسكە قوسۋدى جوسپارلاپ وتىر.
