پاۆلودار وبلىسىندا ەنەرگەتيكالىق جانە كوممۋنالدىق ينفراقۇرىلىمدى جاڭعىرتۋ جۇمىستارى جۇرگىزىلىپ كەلەدى، دەپ حابارلايدى "ادىرنا" ۇلتتىق پورتالى.
اقسۋ قالاسىندا «تەپلوسەرۆيس-اقسۋ» مكك ماگيسترالدىق جانە تاراتۋ جىلۋ جەلىلەرىن كەزەڭ-كەزەڭىمەن جاڭارتۋ قولعا الىنعان. ال ەكىباستۇزدا «ەكىباستۇز جىلۋ جەلىلەرى» جشس ينجەنەرلىك ينفراقۇرىلىمدى قايتا جاڭعىرتۋ جۇمىستارىن جۇرگىزۋدە. سونىمەن قاتار، «گورۆودوكانال» مكك سورعى ستانتسياسىن جوندەۋدى جوسپارلاپ وتىر.
كوممۋنالدىق جۇيەلەردى جاڭعىرتۋ جۇمىستارى پاۆلودار قالاسىندا دا جالعاسادى. 2026-2027 جىلدارى مۇندا جەتى ءىرى جوبانى جۇزەگە اسىرۋ كوزدەلگەن. ولاردىڭ قاتارىندا سورعى ستانتسياسىنىڭ قۇرىلىسى، جىلۋ ماگيسترالىن جانە ورتالىق جىلۋ پۋنكتتەرىن جوندەۋ بار.
سونداي-اق «پاۆلودار تاراتۋ كومپانياسى» اق اۋە ەلەكتر جەلىلەرىن جانە ترانسفورماتورلىق قوسالقى ستانتسيالاردى سالۋ مەن جاڭعىرتۋدى، ەلەكتر ەنەرگياسىن كوممەرتسيالىق ەسەپكە الۋدىڭ اۆتوماتتاندىرىلعان جۇيەسىن ەنگىزۋدى جوسپارلاپ وتىر.
جالپى العاندا، 2026-2027 جىلدارى پاۆلودار وبلىسىنىڭ ءۇش قالاسىندا قۇنى 13,6 ملرد تەڭگەنى قۇرايتىن وننان استام ەكسج جوباسىن ىسكە اسىرۋ جوسپارلانعان. ونىڭ ىشىندە پاۆلودارعا – 5,8 ملرد تەڭگە، ەكىباستۇزعا – 5,2 ملرد تەڭگە، اقسۋعا – 2,6 ملرد تەڭگە قاراستىرىلعان. مامانداردىڭ ايتۋىنشا، الداعى ۋاقىتتا جوبالار سانى ارتۋى مۇمكىن.
