پاۆلوداردا كينولوگتار مەن قۇتقارۋشىلار ارنايى اۆاريالىق-قۇتقارۋ جابدىقتارىن پايدالانىپ، قۇرىلىس كەزىندە ءۇيىندى استىنا كەتكەن ەر ادامنىڭ ورنىن انىقتادى، دەپ حابارلايدى "ادىرنا" ۇلتتىق پورتالى.
قۇتقارۋشىلار مارقۇمنىڭ دەنەسىن ءۇيىندى استىنان شىعارىپ الدى. الدىن الا مالىمەتكە قاراعاندا، وقيعا كەشە ساعات 17:10-دە بولعان.
قۇرىلىس الاڭىندا اكىمشىلىك عيماراتتى جەكەمەنشىك مەكتەپكە قايتا قۇرۋ جۇمىستارى جۇرگىزىلىپ جاتقان. ءۇيىندى استىندا 1967 جىلى تۋعان ەر ادام قالعانى انىقتالعان.
وقيعا بويىنشا پاۆلودار پوليتسياسى قىلمىستىق كودەكستىڭ «قۇرىلىس جۇمىستارىن جۇرگىزۋ كەزىندە قاۋىپسىزدىك ەرەجەلەرىن بۇزۋ» بابى بويىنشا ءىس قوزعادى.
قازىرگى ۋاقىتتا بارلىق جاعدايلاردى انىقتاۋ ءۇشىن تەرگەۋ ارەكەتتەرى جۇرگىزىلۋدە.
ۇقساس جاڭالىقتار
