اتىراۋدا «TURGYNDAR AMANATY» جوباسى اياسىندا پارتيانىڭ ۇيىمداستىرۋىمەن وڭىرلىك فورۋم ءوتتى. ءىس-شارا تۇرعىن ءۇي-كوممۋنالدىق شارۋاشىلىق سالاسىنداعى وزەكتى ماسەلەلەردى تالقىلايتىن ماڭىزدى ديالوگ الاڭىنا اينالدى.
فورۋمعا اتىراۋ وبلىسىنىڭ اكىمى سەرىك شاپكەنوۆ، «AMANAT» پارتياسىنىڭ حاتشىسى ەرجان جىلقىباەۆ، قر پارلامەنتى ءماجىلىسىنىڭ دەپۋتاتى دۇيسەنباي تۇرعانوۆ جانە سالا وكىلدەرى قاتىستى.
ەرجان جىلقىباەۆ جوبانىڭ كوپقاباتتى ۇيلەردى باسقارۋدى جەتىلدىرۋگە جانە تۇرعىنداردىڭ قاتىسۋىن ارتتىرۋعا باعىتتالعان ءتيىمدى تەتىك ەكەنىن اتاپ ءوتتى. ونىڭ ايتۋىنشا، باستى مىندەت – ماسەلەلەردى جۇيەلى تۇردە شەشۋ. وسىعان بايلانىستى ميب جانە پيك توراعالارىن وقىتۋ، كەرى بايلانىستى كۇشەيتۋ، «حالىق قاتىساتىن بيۋدجەت» باعدارلاماسىن ەنگىزۋ جانە بەلسەندى ازاماتتاردان كادرلىق رەزەرۆ قالىپتاستىرۋ جوسپارلانعان.
دۇيسەنباي تۇرعانوۆ تۇرعىن ءۇي سالاسىنداعى رەفورمالار مەنشىك يەلەرىنىڭ ءرولىن كۇشەيتىپ، باسقارۋ اشىقتىعىن ارتتىرۋعا باعىتتالعانىن ايتتى. ەندى تۇرعىندار باسقارۋ نىسانىن وزدەرى تاڭداپ، تاريفتەردى بەكىتىپ، قارجىنىڭ جۇمسالۋىن باقىلاي الادى.
وبلىس اكىمىنىڭ ورىنباسارى قايرات نۇرتاەۆ وڭىردە سۋ جۇيەسىن تسيفرلاندىرۋ، اپاتتى ۇيلەردى كوشىرۋ جانە ەلەكتر جەلىلەرىن جاڭعىرتۋ جۇمىستارى جۇرگىزىلىپ جاتقانىن جەتكىزدى. 801 ۇيگە سۋ ەسەپتەگىش ورناتىلىپ، سۋ تۇتىنۋ 7%-عا ازايدى، 624 پاتەر جاڭا باسپاناعا كوشىرىلدى.
فورۋم قورىتىندىسىندا سەرىك شاپكەنوۆ تۇرعىندار مەن باسقارۋشى ۇيىمدار اراسىنداعى بايلانىستى كۇشەيتۋ ءۇشىن فرونت-وفيس قۇرۋدى ۇسىندى. ناتيجەسىندە سالانى دامىتۋعا باعىتتالعان ناقتى ۇسىنىستار قابىلدانىپ، بەلسەندى ازاماتتار ماراپاتتالدى.
