اتىراۋ وبلىسى يندەر اۋدانىنا قاراستى قۇرىلىس اۋىلىنىڭ تۇرعىندارى رەفەرەندۋمعا تولىق قاتىسىپ، 100 پايىز داۋىس بەردى. اۋىلداعى 379 سايلاۋشىنىڭ بارلىعى ءوز تاڭداۋىن جاساپ، ماڭىزدى ساياسي ناۋقانعا بەلسەندىلىك تانىتتى.
قۇرىلىس اۋىلى سوڭعى جىلدارى اۋداننىڭ ەڭ تىنىش ءارى ءتارتىپتى ەلدى مەكەندەرىنىڭ ءبىرى رەتىندە تانىلىپ كەلەدى. سوڭعى ەكى جىل ىشىندە اۋىلدا قىلمىس تىركەلمەگەن. تۇرعىندار اراق-شاراپتان باس تارتىپ، جاستاردى ەڭبەككە باۋلىپ، قوعامدىق ومىرگە بەلسەندى ارالاسۋدى داستۇرگە اينالدىرعان.
اۋىلداعى بارلىق ساۋدا ورىندارىندا ىشىمدىك ساتۋعا تىيىم سالىنعان. بۇل – جەرگىلىكتى حالىقتىڭ ءوزارا بىرلىگى مەن قوعامدىق تارتىپكە دەگەن قۇرمەتىنىڭ ايقىن كورىنىسى.
جەرگىلىكتى تۇرعىنداردىڭ ايتۋىنشا، اۋىلدىڭ بىرلىگى مەن جاۋاپكەرشىلىگى رەفەرەندۋمعا قاتىسۋدا دا كورىنىس تاپتى. قۇرىلىس اۋىلىنىڭ 100 پايىزدىق قاتىسۋى – قوعامدىق كەلىسىم مەن تۇراقتىلىقتىڭ جارقىن ۇلگىسى بولىپ وتىر.
