قازاقستان استاناسى قاڭتار وقيعاسىنان كەيىن بۇرىنعى اتاۋىنا ورالسا دا، استاناداعى بىرقاتار مەملەكەتتىك مەكەمەلەر ءوز مەكەندەرىن ءالى دە "نۇر-سۇلتان قالاسى" دەپ كورسەتىپ كەلەدى. بۇل تۋرالى قازتاگ جاريالادى، دەپ “ادىرنا” ۇلتتىق پورتالى.
مالىمەت بويىنشا، مەملەكەتتىك ساتىپ الۋلار پورتالىندا «استانا سۋ ارناسى» مەملەكەتتىك كاسىپورنى «نۇر-سۇلتان» اتاۋىن ساقتاي وتىرىپ، مەملەكەتتىك ساتىپ الۋ كونكۋرستارى تۋرالى حابارلاندىرۋلاردى ءالى دە جاريالايدى.
مەملەكەتتىك كاسىپورىننىڭ پورتالداعى پاراقشاسىندا اتالعان مەكەمەنىڭ تولىق اتاۋى «نۇر-سۇلتان قالاسى اكىمدىگىنىڭ «استانا سۋ ارناسى» شارۋاشىلىق جۇرگىزۋ قۇقىعىنداعى مەملەكەتتىك كوممۋنالدىق كاسىپورنى» دەپ كورسەتىلگەن.
سونداي-اق، "نۇر-سۇلتان قالاسى اكىمدىگىنىڭ «№50 «جۇلدىز» بوبەكجاي-باقشاسى» مەملەكەتتىك قازىنالىق كاسىپورنى", "نۇر-سۇلتان قالاسى «№ 2 ونەر مەكتەبى» مەملەكەتتىك قازىنالىق كاسىپورنى" دەگەن اتاۋلار كەزدەسەدى. «ەلوردالىق تسيرك» مەملەكەتتىك كوممۋنالدىق قازىنالىق كاسىپورنى دا"نۇر-سۇلتان" قالاسىنىڭ اكىمدىگى مەن باسقا دا مەملەكەتتىك ورگانداردا تىركەلگەن.
ەسكە سالايىق، 2022 جىلدىڭ 2 قىركۇيەگىندە ءماجىلىس دەپۋتاتتارى قاڭتار وقيعاسىنان كەيىن كەيىن ءۇش جىل بويى «نۇر-سۇلتان» اتالىپ كەلگەن استانا اتاۋىن ەلورداعا قايتارۋدى ۇسىنعان بولاتىن.
سول كەزدە مەملەكەت باسشىسىنىڭ ءباسپاسوز حاتشىسى قىزمەتىن اتقارعان رۋسلان جەلدىباي "نۇر-سۇلتاننىڭ" اتىن "استانا "دەپ وزگەرتۋ باستاماسىنا تۇسىنىكتەمە بەرە وتىرىپ، ەكس-پرەزيدەنت نۇرسۇلتان نازارباەۆتىڭ قۇرمەتىنە باسقا دا ەسىمدەر بەرىلگەنىن ايتتى. سول جىلى 15 قىركۇيەك ءماسليحات قابىرعاسىندا اتىن وزگەرتۋ ماسەلەسىن قوعامدىق تالقىلاۋ ءوتىپ، قوعام بەلسەندىلەرى ەلوردانىڭ بۇرىنعى اتاۋى – استاناعا قايتارىلۋىن قولدادى.
2022 جىلدىڭ 16 قىركۇيەكىندە پارلامەنت "استانا" اتاۋىن ەلورداعا قايتارۋ تۋرالى تۇزەتۋلەردى ماقۇلدادى. 17 قىركۇيەكتە توقاەۆ ارنايى جارلىعىمەن "استانانىڭ" اتىن ەلورداعا قايتاردى.
