Atyrauda «TURGYNDAR AMANATY» jobasy aiasynda partiianyŋ ūiymdastyruymen öŋırlık forum öttı. Is-şara tūrǧyn üi-kommunaldyq şaruaşylyq salasyndaǧy özektı mäselelerdı talqylaityn maŋyzdy dialog alaŋyna ainaldy.
Forumǧa Atyrau oblysynyŋ äkımı Serık Şäpkenov, «AMANAT» partiiasynyŋ hatşysy Erjan Jylqybaev, QR Parlamentı Mäjılısınıŋ deputaty Düisenbai Tūrǧanov jäne sala ökılderı qatysty.
Erjan Jylqybaev jobanyŋ köpqabatty üilerdı basqarudy jetıldıruge jäne tūrǧyndardyŋ qatysuyn arttyruǧa baǧyttalǧan tiımdı tetık ekenın atap öttı. Onyŋ aituynşa, basty mındet – mäselelerdı jüielı türde şeşu. Osyǧan bailanysty MİB jäne PİK töraǧalaryn oqytu, kerı bailanysty küşeitu, «Halyq qatysatyn biudjet» baǧdarlamasyn engızu jäne belsendı azamattardan kadrlyq rezerv qalyptastyru josparlanǧan.
Düisenbai Tūrǧanov tūrǧyn üi salasyndaǧy reformalar menşık ielerınıŋ rölın küşeitıp, basqaru aşyqtyǧyn arttyruǧa baǧyttalǧanyn aitty. Endı tūrǧyndar basqaru nysanyn özderı taŋdap, tarifterdı bekıtıp, qarjynyŋ jūmsaluyn baqylai alady.
Oblys äkımınıŋ orynbasary Qairat Nūrtaev öŋırde su jüiesın sifrlandyru, apatty üilerdı köşıru jäne elektr jelılerın jaŋǧyrtu jūmystary jürgızılıp jatqanyn jetkızdı. 801 üige su eseptegış ornatylyp, su tūtynu 7%-ǧa azaidy, 624 päter jaŋa baspanaǧa köşırıldı.
Forum qorytyndysynda Serık Şäpkenov tūrǧyndar men basqaruşy ūiymdar arasyndaǧy bailanysty küşeitu üşın front-ofis qūrudy ūsyndy. Nätijesınde salany damytuǧa baǧyttalǧan naqty ūsynystar qabyldanyp, belsendı azamattar marapattaldy.
