ۇلىتاۋ وبلىسىندا تۇرعىن ءۇي قورىن جاڭعىرتۋعا باعىتتالعان اۋقىمدى رەنوۆاتسيا باعدارلاماسى ىسكە قوسىلدى. جوبا اياسىندا ينۆەستورلار قاراجاتىنىڭ قولداۋىمەن جەزقازعان، ساتباەۆ جانە قاراجال قالالارىندا اپاتتى دەپ تانىلعان ۇيلەر كەزەڭ-كەزەڭىمەن ءسۇرىلىپ، ولاردىڭ ورنىنا زاماناۋي تۇرعىن ءۇي كەشەندەرى بوي كوتەرمەك.
قازىرگى تاڭدا وبلىس ورتالىعى – جەزقازعان قالاسىنداعى اباي كوشەسىندە ورنالاسقان ءتورت تۇرعىن ءۇي قورشاۋعا الىنىپ، دايىندىق جۇمىستارى جۇرگىزىلۋدە. الداعى ون كۇن ىشىندە ولاردى ءسۇرىپ، جاڭا قۇرىلىس جۇمىستارى باستالماق. بۇل باستاما وتاندىق ينۆەستورلاردىڭ قولداۋىمەن جۇزەگە اسىرىلۋدا. اتالعان اۋماقتا كومفورت ساناتىنداعى بەس قاباتتى ەكى تۇرعىن ءۇي سالۋ جوسپارلانعان. سونىمەن قاتار، اۋلالار تولىق اباتتاندىرىلىپ، زاماناۋي جەدەلساتىلار ورناتىلادى.
ساتباەۆ قالاسىنداعى اپاتتى ۇيلەر بويىنشا دا جۇمىستار الداعى ءبىر اي ىشىندە باستالادى دەپ كۇتىلۋدە.
ايتا كەتۋ كەرەك، توزىعى جەتكەن تۇرعىن ءۇي قورىن جاڭارتۋ ماقساتىندا ۇلىتاۋ وبلىسىنىڭ اكىمدىگى قىتايلىق كومپانيالارمەن ىنتىماقتاستىق ورناتىپ، ءتيىستى مەموراندۋمدارعا قول قويعان بولاتىن. سونىڭ ناتيجەسىندە شەتەلدىك ينۆەستيتسيالار تارتىلىپ، 40-قا جۋىق ەسكى ءۇيدىڭ ورنىنا كوپقاباتتى زاماناۋي تۇرعىن ۇيلەر سالۋ جوسپارلانىپ وتىر.
جالپى العاندا، وبلىس بويىنشا 120 تۇرعىن ءۇي اپاتتى دەپ تانىلعان. وسى ماسەلەنى جۇيەلى تۇردە شەشۋ ماقساتىندا رەنوۆاتسيا باعدارلاماسىن ىسكە اسىرۋعا ۋاكىلەتتى ۇيىم رەتىندە «ۇلىتاۋ» الەۋمەتتىك-كاسىپكەرلىك كورپوراتسياسى ايقىندالدى. كورپوراتسيا بارلىق 120 ءۇيدى كەزەڭ-كەزەڭىمەن جاڭعىرتۋ ءۇشىن ينۆەستورلار تارتۋ جۇمىستارىن جالعاستىرۋدا.
