ەۋرازيا ۇلتتىق ۋنيۆەرسيتەتىنىڭ قابىرعاسىندا جۋرناليستيكا جانە الەۋمەتتىك عىلىمدار جوعارى مەكتەبىنىڭ ۇيىمداستىرۋىمەن «زەرتتەۋ سۇراعىنان عىلىمي ماقالاعا دەيىنگى قادام: اكادەميالىق ماقالا جازۋدىڭ نەگىزگى قاعيدالارى» تاقىرىبىندا عىلىمي سەمينار ءوتتى.
سەمينار سپيكەرى – Astana IT University-ءدىڭ قاۋىمداستىرىلعان پروفەسسورى، PhD اينۇر سلامعاجي بولدى.
كەزدەسۋ بارىسىندا زەرتتەۋ سۇراعىن دۇرىس قالىپتاستىرۋ، عىلىمي ماقالانىڭ قۇرىلىمى، اكادەميالىق جازۋ تالاپتارى، دەرەككوزدەرمەن ءتيىمدى جۇمىس ىستەۋ جانە ماقالانى حالىقارالىق جۋرنالدارعا دايىنداۋ ماسەلەلەرى كەڭىنەن تالقىلاندى.
سەمينارعا وقىتۋشىلار، ماگيسترانتتار، دوكتورانتتار جانە عىلىمي ماقالا جازۋعا قىزىعۋشىلىق تانىتقان ستۋدەنتتەر قاتىستى. سەمينار بارىسىندا اكادەميالىق جازۋدىڭ نەگىزگى قاعيدالارى بويىنشا پراكتيكالىق كەڭەستەر ايتىلىپ، عىلىمي جاريالانىم دايىنداۋ بارىسىندا ءجيى كەزدەسەتىن ماسەلەلەر تالقىلاندى.
سونداي-اق، ماگيسترانتتار مەن جوو ۇستازدارى سپيكەرمەن پىكىر الماسىپ، ماقالانى تالداۋ جونىندە كەيستەرگە توقتالدى. سەمينار مازمۇندى پىكىرتالاسقا ۇلاسىپ، جاس زەرتتەۋشىلەر ءۇشىن پايدالى تاجىريبە الاڭىنا اينالدى.
