حالىق جازۋشىسى، ادەبيەت تاريحىن زەرتتەۋشى عالىم مۇحتار ماعاۋيننىڭ شىعارماشىلىق مۇراسىن ساقتاۋعا جانە ناسيحاتتاۋعا ارنالعان Mukhtar Magauin Foundation قورى رەسمي تۇردە اشىلدى، دەپ حابارلايدى «ادىرنا» ءتىلشىسى.
«قوردىڭ ماقساتى — مۇحتار ماعاۋيننىڭ شىعارماشىلىعىن ساقتاۋ، زەردەلەۋ جانە الەمدىك دەڭگەيدە تانىتۋ. ءبىز زەرتتەۋ، اۋدارما، باسپا جانە مادەني جوبالاردى ىسكە اسىرامىز»،- دەلىنگەن حابارلامادا.
قور قىزمەتىنىڭ باسىم باعىتتارىنىڭ ءبىرى – ماعاۋين شىعارمالارىن الەمنىڭ نەگىزگى تىلدەرىنە اۋدارۋ. بۇل قازاق ادەبيەتىنىڭ الەمدىك مادەني كەڭىستىككە ەنۋىنە جاڭا سەرپىن بەرەدى دەپ كۇتىلۋدە. سونداي-اق عىلىمي-زەرتتەۋ جۇمىستارىنا قولداۋ كورسەتىلىپ، جازۋشىنىڭ تۋىندىلارىنا ارنالعان كونفەرەنتسيالار مەن مادەني شارالار ۇيىمداستىرىلماق.
ايتا كەتەيىك، مۇحتار ماعاۋين بىلتىر 85-كە قاراعان شاعىندا قايتىس بولعان ەدى. ول ءار جىلدارى "قازاق ادەبيەتى" گازەتىندە، "جۇلدىز" جۋرنالىندا، "جازۋشى" باسپاسىندا قىزمەت ىستەگەن. عىلىم اكادەمياسىنا قاراستى مۇحتار اۋەزوۆ اتىنداعى ادەبيەت جانە ونەر ينستيتۋتىندا، ماسكەۋدە ماكسيم گوركي اتىنداعى ادەبيەت ينستيتۋتىندا قازاق فولكلورى مەن قازاق ادەبيەتى تاريحى بويىنشا لەكتسيا وقىعان.
جازۋشى حV-ءحVىىى عاسىرداعى ۇمىتىلعان ەسكىلىكتى قازاق پوەزياسىن قايىرا اشىپ، رەسمي ادەبيەت تاريحىنا ەنگىزگەن. «الاساپىران» تاريحي رومان-ديلوگياسى ءۇشىن قازاق كسر-ءىنىڭ اباي اتىنداعى مەملەكەتتىك سىيلىعى بەرىلگەن. ونىڭ ءXV–XVىىى عاسىرداعى قازاق اقىن، جىراۋلارى تۋرالى "قوبىز سارىنى", "كوك مۇنار" رومانى، "شاقان-شەرى", "گاۋھار" رومان-ديلوگياسى، "جارماق", "شىڭعىس حاننىڭ شاراپاتى" جانە وزگە دە شىعارمالارى بار.
