الماتى ماڭىنداعى الاتاۋ قالاسىن دامىتۋ ماقساتىندا مەملەكەتتىك قور قۇرىلۋ قۇرىلماق، دەپ حابارلايدى "ادىرنا" ۇلتتىق پورتالى قازاقپاراتقا سىلتەپ.
بۇل تۋرالى ءماجىلىس دەپۋتاتىنىڭ ساۋالىنا جاۋاپ بەرگەن قر پرەمەر-ءمينيسترى ولجاس بەكتەنوۆ ايتتى.
«قولدانىستاعى زاڭناماعا سايكەس قالانىڭ ۇكىمەتكە تىكەلەي باعىنۋ مۇمكىندىگى جوق. وسىعان بايلانىستى پرەزيدەنت جارلىعى اياسىندا ستراتەگيالىق شەشىمدەر قابىلدايتىن الاتاۋ قالاسىن دامىتۋ ماسەلەسى بويىنشا كەڭەس جانە وپەراتسيالىق قىزمەتكە جاۋاپتى Alatau City Authority مەملەكەتتىك قورىن قۇرۋ كوزدەلگەن»، — دەلىنگەن ۇكىمەت باسشىسىنىڭ جاۋابىندا.
پرەمەر-ءمينيستردىڭ سوزىنشە، الاتاۋ قالاسىنا ارنايى مارتەبە بەرۋ ماسەلەسىن زاڭنامالىق دەڭگەيدە بەكىتۋ جوسپارلانىپ وتىر. بۇل اكت تسيفرلىق اكتيۆ اينالىمىن رەتتەۋ، حالىقارالىق ستاندارتتارعا ساي قۇرىلىس جۇرگىزۋ، تەحنولوگيالىق يننوۆاتسيالار مەن جاساندى ينتەللەكتىنى ەنگىزۋ، «Alatau» ارنايى ەكونوميكالىق ايماعىنىڭ قىزمەتىن ۇيلەستىرۋ باعىتتارىن قامتيتىن بولادى.
«قالا قۇرىلعاننان بەرى مەملەكەت مۇقتاجى ءۇشىن شامامەن 593 گەكتار جەر ۋچاسكەسى الىنعان، جىل سوڭىنا دەيىن تاعى 2,4 مىڭ گەكتار اۋماق الۋ جوسپارلانىپ وتىر»، — دەدى ول.
