ماڭعىستاۋ وبلىسىندا ازاماتتاردى سايلاۋ ۋچاسكەلەرىنە تىركەۋ ءتارتىبى ءتۇسىندىرىلدى

ايماقتاعى تۇرعىندارعا داۋىس بەرۋ ءتارتىبى، سايلاۋ ۋچاسكەلەرىنە تىركەلۋ جانە وتكرەپيتەلنىي تالون الۋ تۋرالى تولىق مالىمەت بەرىلۋدە.

ماڭعىستاۋ وبلىستىق رەفەرەندۋم كوميسسياسىنىڭ توراعاسى ەلۋباي ءابىلوۆ ازاماتتاردىڭ تىركەلگەن جەرىنەن تىس جەردە داۋىس بەرۋ ءتارتىبىن ءتۇسىندىردى.

-ەگەر ازامات 15 ناۋرىزدا ءوزىنىڭ تىركەلگەن جەرىنەن تىس جەردە بولسا، 14 ناۋرىز ساعات 18:00-گە دەيىن ءوز ۋچاسكەلىك كوميسسياسىنا جازباشا ءوتىنىش بەرىپ، جەكە باسىن كۋالاندىراتىن قۇجات كورسەتۋى قاجەت. ءوتىنىش نەگىزىندە وتكرەپيتەلنىي تالون بەرىلەدى. بۇل قۇجات ازاماتقا رەفەرەندۋم كۇنى فاكتىلىك تۇرعان جەرىندەگى ۋچاسكەدە داۋىس بەرۋگە مۇمكىندىك بەرەدى. سونداي-اق، وتكرەپيتەلنىي تالون سەنىمحات ارقىلى وكىلگە دە بەرىلۋى مۇمكىن، نوتاريالدى راستاما قاجەت ەمەس. قۇجات جوعالعان جاعدايدا ول قالپىنا كەلتىرىلمەيدى جانە دۋبليكاتى بەرىلمەيدى. ءبىر ەلدى مەكەن ىشىندە باسقا ۋچاسكەدە داۋىس بەرۋ ءۇشىن وتكرەپيتەلنىي قۇجاتتار بەرىلمەيدى، - دەدى ەلۋباي ءابىلوۆ.

سايلاۋ ۋچاسكەسىن قالاي بىلۋگە بولادى

ماڭعىستاۋ وبلىسىنىڭ تۇرعىندارى وزدەرىنىڭ تىركەلگەن سايلاۋ ۋچاسكەسىن مىنا جولدارمەن بىلە الادى:

• رەسمي سايت ارقىلى: https://man.saylaw.kz/

• Telegram-بوت ارقىلى: https://t.me/man_saylaw_bot

اقپارات الۋ ءۇشىن جەكە سايكەستەندىرۋ ءنومىرىن (جسن) ەنگىزۋ قاجەت.

«109» بىرىڭعاي بايلانىس قىزمەتى تاۋلىك بويى جۇمىس ىستەيدى، ول بۇكىل وبلىستان ءوتىنىش قابىلدايدى. سونداي-اق قالالىق جانە اۋداندىق اكىمدىكتەردە call-ورتالىقتار دا جۇمىس ىستەيدى.

Call-ورتالىقتاردىڭ بايلانىس نومىرلەرى (جۇمىس ۋاقىتى):

• اقتاۋ قالاسى — 8 (7292) 30 13 38, 8 700 430 13 38

• جاڭاوزەن قالاسى — 8 (72934) 4 86 14

• بەينەۋ اۋدانى — 8 (72932) 2 15 76

• قاراقيا اۋدانى — 8 (72937) 2 21 91

• ماڭعىستاۋ اۋدانى — 8 (72931) 2 14 51

• مۇنايلى اۋدانى — 8 (7292) 30 26 88

• تۇپقاراعان اۋدانى — 8 (72938) 2 22 90

وبلىس تۇرعىندارى رەفەرەندۋم وتكىزۋگە قاتىستى بارلىق سۇراقتار بويىنشا كورسەتىلگەن بايلانىس ارنالارىن پايدالانا الادى.