Maŋǧystau oblysynda 2026 jylǧy 15 nauryzda ötetın respublikalyq referendumǧa daiyndyq aiasynda halyq arasynda keşendı aqparattyq-tüsındıru jūmystary jürgızılude.
Aimaqtaǧy tūrǧyndarǧa dauys beru tärtıbı, sailau uchaskelerıne tırkelu jäne otkrepitelnyi talon alu turaly tolyq mälımet berılude.
Maŋǧystau oblystyq referendum komissiiasynyŋ töraǧasy Elubai Äbılov azamattardyŋ tırkelgen jerınen tys jerde dauys beru tärtıbın tüsındırdı.
-Eger azamat 15 nauryzda özınıŋ tırkelgen jerınen tys jerde bolsa, 14 nauryz saǧat 18:00-ge deiın öz uchaskelık komissiiasyna jazbaşa ötınış berıp, jeke basyn kuälandyratyn qūjat körsetuı qajet. Ötınış negızınde otkrepitelnyi talon berıledı. Būl qūjat azamatqa referendum künı faktılık tūrǧan jerındegı uchaskede dauys beruge mümkındık beredı. Sondai-aq, otkrepitelnyi talon senımhat arqyly ökılge de berıluı mümkın, notarialdy rastama qajet emes. Qūjat joǧalǧan jaǧdaida ol qalpyna keltırılmeidı jäne dublikaty berılmeidı. Bır eldı meken ışınde basqa uchaskede dauys beru üşın otkrepitelnyi qūjattar berılmeidı, - dedı Elubai Äbılov.
Sailau uchaskesın qalai bıluge bolady
Maŋǧystau oblysynyŋ tūrǧyndary özderınıŋ tırkelgen sailau uchaskesın myna joldarmen bıle alady:
• Resmi sait arqyly: https://man.saylaw.kz/
• Telegram-bot arqyly: https://t.me/man_saylaw_bot
Aqparat alu üşın jeke säikestendıru nömırın (JSN) engızu qajet.
«109» bıryŋǧai bailanys qyzmetı täulık boiy jūmys ısteidı, ol bükıl oblystan ötınış qabyldaidy. Sondai-aq qalalyq jäne audandyq äkımdıkterde call-ortalyqtar da jūmys ısteidı.
Call-ortalyqtardyŋ bailanys nömırlerı (jūmys uaqyty):
• Aqtau qalasy — 8 (7292) 30 13 38, 8 700 430 13 38
• Jaŋaözen qalasy — 8 (72934) 4 86 14
• Beineu audany — 8 (72932) 2 15 76
• Qaraqiia audany — 8 (72937) 2 21 91
• Maŋǧystau audany — 8 (72931) 2 14 51
• Mūnaily audany — 8 (7292) 30 26 88
• Tüpqaraǧan audany — 8 (72938) 2 22 90
Oblys tūrǧyndary referendum ötkızuge qatysty barlyq sūraqtar boiynşa körsetılgen bailanys arnalaryn paidalana alady.
Ūqsas jaŋalyqtar
