ۇلىتاۋ وبلىسىنىڭ اكىمى داستان رىسپەكوۆتىڭ توراعالىعىمەن «ادىلەتتى كونستيتۋتسيا – قۋاتتى مەملەكەت» اتتى جيىن ءوتتى. كەزدەسۋ بارىسىندا كونستيتۋتسيالىق رەفورمالاردىڭ ءمانى مەن ماڭىزى جان-جاقتى تالقىلاندى.
ءوڭىر باسشىسى الدىمەن 15 ناۋرىزداعى رەسپۋبليكالىق رەفەرەندۋمنىڭ ەل بولاشاعى ءۇشىن تاريحي ماڭىزىن اتاپ ءوتتى. سونىمەن قاتار 13 اقپاننان باستاپ وڭىردە ء«ادىل، پروگرەسسيۆتى قازاقستاننىڭ حالىقتىق كونستيتۋتسياسى ءۇشىن!» وڭىرلىك كواليتسياسى جۇمىسىن باستاعانى ايتىلدى. كواليتسيا قۇرامىنا بەس ساياسي پارتيا فيليالى — Amanat, قازاقستان حالىق پارتياسى، اۋىل، اق جول، Respublika, سونداي-اق كاسىپوداق ۇيىمدارى، ارداگەرلەر كەڭەسى مەن قوعامدىق بىرلەستىكتەردىڭ وكىلدەرى ەنگەن.
وتىرىسقا قاتىسۋشىلار كونستيتۋتسيا جوباسىنا ەنگىزىلگەن وزگەرىستەردىڭ قۇقىقتىق نەگىزدەرى تۋرالى بايانداما جاسادى. بۇگىندە وبلىستا رەفەرەندۋمعا قاتىستى كەشەندى اقپاراتتىق ناۋقان بەلسەندى جۇرگىزىلۋدە.
جيىن بارىسىندا جاڭا كونستيتۋتسيا جوباسىنىڭ اشىق ءارى جاريا تالقىلاۋدان وتكەنىنە ەرەكشە نازار اۋدارىلدى. ءاربىر ازاماتتىڭ ءوز پىكىرىن ءبىلدىرۋ مۇمكىندىگى زاڭدىلىقتى نىعايتىپ، زاماناۋي تالاپتارعا ساي شەشىمدەر قابىلداۋعا جول اشقانى ايتىلدى.
كەزدەسۋ سوڭىندا وبلىس اكىمى كونستيتۋتسيالىق رەفورمالاردىڭ تابىستى جۇزەگە اسۋى قوعامدىق كەلىسىم مەن ءار ازاماتتىڭ بەلسەندى ۇستانىمىنا بايلانىستى ەكەنىن اتاپ ءوتىپ، جيىنعا قاتىسۋشىلارعا العىس ءبىلدىردى.
