Ūlytau oblysynyŋ äkımı Dastan Ryspekovtıŋ töraǧalyǧymen «Ädılettı Konstitusiia – quatty memleket» atty jiyn öttı. Kezdesu barysynda konstitusiialyq reformalardyŋ mänı men maŋyzy jan-jaqty talqylandy.
Öŋır basşysy aldymen 15 nauryzdaǧy respublikalyq referendumnyŋ el bolaşaǧy üşın tarihi maŋyzyn atap öttı. Sonymen qatar 13 aqpannan bastap öŋırde «Ädıl, progressivtı Qazaqstannyŋ Halyqtyq Konstitusiiasy üşın!» öŋırlık koalisiiasy jūmysyn bastaǧany aityldy. Koalisiia qūramyna bes saiasi partiia filialy — Amanat, Qazaqstan Halyq partiiasy, Auyl, Aq jol, Respublika, sondai-aq käsıpodaq ūiymdary, ardagerler keŋesı men qoǧamdyq bırlestıkterdıŋ ökılderı engen.
Otyrysqa qatysuşylar konstitusiia jobasyna engızılgen özgerısterdıŋ qūqyqtyq negızderı turaly baiandama jasady. Bügınde oblysta referendumǧa qatysty keşendı aqparattyq nauqan belsendı jürgızılude.
Jiyn barysynda jaŋa Konstitusiia jobasynyŋ aşyq ärı jariia talqylaudan ötkenıne erekşe nazar audaryldy. Ärbır azamattyŋ öz pıkırın bıldıru mümkındıgı zaŋdylyqty nyǧaityp, zamanaui talaptarǧa sai şeşımder qabyldauǧa jol aşqany aityldy.
Kezdesu soŋynda oblys äkımı konstitusiialyq reformalardyŋ tabysty jüzege asuy qoǧamdyq kelısım men är azamattyŋ belsendı ūstanymyna bailanysty ekenın atap ötıp, jiynǧa qatysuşylarǧa alǧys bıldırdı.
