ورتالىق ازيا ەلدەرى مەن موڭعوليا ەلدەرى وكىلدەرىنىڭ ءولىم جازاسىنا قارسى حالىقارالىق كوميسسيانىڭ (ICCC) ۆيتسە-پرەزيدەنتى رۋت درەيفۋسپەن كەزدەسۋىندە قازاقستاندا ءولىم جازاسىن الىپ تاستاۋ ماسەلەسى تالقىلاندى، دەپ حابارلايدى “ادىرنا” ۇلتتىق پورتالى.
ايتا كەتەيىك، كونستيتۋتسياعا ەنگىزىلگەن وزگەرتۋلەر اياسىندا قازاقستاندا ءولىم جازاسىن الىپ تاستاۋ جوسپارلانۋدا.
درەيفۋس قازاقستانداعى مۇنداي رەفورمانى العا تارتىپ، وسىعان بايلانىستى قۇتتىقتادى.
«ءولىم جازاسىنا قارسى حالىقارالىق كوميسسيانىڭ ۆيتسە-پرەزيدەنتى رۋت درەيفۋس قازاقستاندى ءولىم جازاسىن الىپ تاستاۋداعى جەتىستىكتەرىمەن قۇتتىقتاپ، مەملەكەت باسشىسىنىڭ رەفورمالار باعدارلاماسىن قۇپتادى» دەپ حابارلايدى قر سىرتقى ىستەر مينيسترلىگى.
ءولىم جازاسىن الىپ تاستاۋ – ەلدە «جاڭا قازاقستان» نەمەسە «ەكىنشى رەسپۋبليكا» قۇرۋعا باعىتتالعان الداعى رەفورمالار اياسىندا پرەزيدەنت توقاەۆ جاريالاعان تارماقتاردىڭ ءبىرى. وزگەرىستەر ساياسي جانە ازاماتتىق سالاعا اسەر ەتەدى دەپ جوسپارلانۋدا.
سونىمەن قاتار، ەل كونستيتۋتسياسىنا وزگەرىستەر ەنگىزۋ جوسپارلانىپ، وزگەرىستەر نەگىزگى زاڭنىڭ ۇشتەن ءبىر بولىگىنە اسەر ەتەدى دەپ بولجانۋدا.
”ادىرنا” ۇلتتىق پورتاليا
