توي تويلاي بەرمەي، بالالارىمىزدى نەگە تيتتەيىنەن سپورتقا بەرىپ، سول جولدا ايانباي تەر توكپەدىك ەكەن؟..(دەگەن وكىنىش ءار قازاقتىڭ كوكەيىندە بولعان شىعار، كەشەلى بەرى) شىنىندا داراقىلىقتان، جارىسا توي جاساپ، وتىرىك ماقتانىپ، مال شاشا بەرۋدەن ارىلىپ، ەلدىڭ اتىن شىعاراتىن ساپالى ۇرپاق تاربيەلەۋ ماسەلەسىن شىنداپ قولعا الماساق، كوشتىڭ ارتىندا قالامىز.
الماتىداعى قىزىم “ماما، ءبىزدى بالا كەزىمىزدە گيمناستيكاعا اپاراتىن ەدىڭىز عوي. جارىستارعا باراتىن ەدىك. بەكەر تاستاپ كەتتىم، سپورتتى” دەپ، وكىنىپ، جازىپتى، جاڭا.
- سەندەر بالا ەدىڭدەر، قيىندىققا مويىماي، تاباندىلىقتى ۇيرەتپەگەن كىنا بىزدەن شىعار-دەدىم..
ەسىمە جۇمىسپەن جاعالاسىپ، بىرەۋىن سكريپكاعا، بىرەۋىن بيگە، ودان كوركەم گيمناستيكاعا سۇيرەلەپ، جۇگىرىپ جۇرەتىن كەزدەرىم ءتۇسىپ كەتتى. جۇمىس اۋىر بولماعاندا، تاستاتپايتىن ەدىم دەپ، ءوزىمدى اقتاپ العانىممەن، ول سىلتاۋ ەمەسىن بىلەم.
ال ۇلدى سونشا قاراجات جۇمساپ، كىشكەنتايىنان سوناۋ يسپانياداعى الەمدىك فۋتبول مەكتەبىندە وقىتقانىمىزدى قايتەيىن، كوۆيد كەزىندە بارا الماي قالدى دا، سول كۇيى قالىپ كەتتى. جالعاستىرعىسى كەلىپ ەدى، اناۋ دەدىك، مىناۋ دەدىك، قالدى سونىمەن. سول جولدى تاستاماي، جالعاستىرعاندا، باسقا ورەندەرىمىزبەن بىرگە ول دا ەلدىڭ اتىن شىعارۋعا ەڭبەكتەنەر ەدى عوي دەپ، ءىشىم اشيدى، كەيدە.
اينالىپ كەلگەندە، دەنيستىڭ، ميشانىڭ اتا-اناسىنداي قاجىر-قايرات جەتپەدى، بىزگە. سونى مويىنداۋىمىز كەرەك. دەنيستىڭ اناسى ۇلىنىڭ ارمانى مەن سپورتتىق كارەراسى ءۇشىن پاتەرىن ساتقان. ميحايلدىڭ اكەسى ۇلى ۇلكەن سپورتقا كىرۋ ءۇشىن، جاتتىعۋلارىن جالعاستىرۋ ءۇشىن جالعىز كولىگىن ساتقان. ال ديماشىمىز ءار كونتسەرتىندە بالا كەزىندە اجەسىنىڭ اياعى اۋىرسا دا، مۋزىكا مەكتەبىنە جەتەكتەپ اپاراتىنىن ايتىپ، تەبىرەنە العىس ايتادى.
ۇلكەن جەتىستىكتەردىڭ ارتىندا سونداي جانكەشتىلىك جاتىر.
