يۋليا پۋتينتسەۆا گونكونگتاعى جارىستا جەڭىلىپ قالدى

2455
Adyrna.kz Telegram
https://adyrna.kz/content/uploads/2023/10/blinkova.jpg

قازاقستاننىڭ ەكىنشى، الەمنىڭ 68-راكەتكاسى يۋليا پۋتينتسەۆا گونكونگ WTA 250 تۋرنيرىندە ۇتىلىپ قالدى، دەپ حابارلايدى «ادىرنا» ۇلتتىق پورتالى Kazinform سايتىنا سىلتەمە جاساپ.

قازاقستاندىق تەننيسشى العاشقى اينالىمدا الەمنىڭ 37-راكەتكاسى - رەسەيلىك اننا بلينكوۆامەن كەزدەستى. ءبىرىنشى پارتيادا رەسەيلىك سپورتشى 6:4 ەسەبىمەن باسىم تۇسسە، ەكىنشىسىندە پۋتينتسەۆا ەسە قايىردى - 6:2. ءۇشىنشى، شەشۋشى سەتتە ەسەپ 1:5 بولعان ساتتە قازاقستاندىق تەننيسشى باسەكەنى جالعاستىرۋدان باس تارتتى. ءبىر ساعات 53 مينۋتقا سوزىلعان ماتچتا پۋتينتسەۆا 1 ەيس جاساپ، 9 برەيك-پوينتتىڭ تورتەۋىن پايدالانا ءبىلدى. بلينكوۆا 3 ەيس، 5 برەيكپەن (6 برەيك-پوينت) كوزگە ءتۇستى. تاعى ءبىر قازاقستاندىق، ىرىكتەۋ سايىستارىنان ءساتتى وتكەن، رەيتينگتە 1016-ساتىداعى اننا دانيلينا العاشقى اينالىمدا الەمنىڭ 70-راكەتكاسى، پولشا وكىلى ماگدالەنا فرەشپەن وينايدى.

«ادىرنا» ۇلتتىق پورتالى

پىكىرلەر