«مانچەستەر يۋنايتەد» پەن «چەلسي» كلۋبتارىندا ويناعان بۇرىنعى فۋتبولشىلار قازاقستانعا كەلدى، دەپ حابارلايدى "ادىرنا" ۇلتتىق پورتالى Tengri Sport-قا سىلتەپ.
جەلىدە پورتۋگاليالىق لۋيش ناني مەن نيگەريالىق ۆيكتور موزەس قازاقستانعا كەلىپ، «اقتوبە» جانە «قايسار» كلۋبتارىمەن كەلىسىمشارتقا قول قويۋعا دايىندالىپ جاتقانى تۋرالى اقپارات تاراعان.
«اقتوبە» فۋتبول كلۋبىنىڭ مالىمەتىنشە، لۋيش نانيمەن كلۋب ءبىر جىلدىق كەلىسىمشارت جاسايدى. سپورتشى ناني كلۋبتىڭ حالىقارالىق دەڭگەيدە ىلگەرىلەۋىنە جاۋاپتى ويناۋشى-مەنەدجەر قىزمەتىن دە اتقارادى. ينسايدەرلەردىڭ مالىمەتىنشە، فۋتبولشىعا جىلىنا 840 مىڭ دوللار كولەمىندە جالاقى تولەۋ جوسپارلانعان.
ايتا كەتەيىك، 39 جاستاعى لۋيش ناني 2024 جىلى كاسىبي فۋتبولشى رەتىندەگى مانسابىن رەسمي تۇردە اياقتاعان. وسىدان كەيىن ول رەسەيدىڭ مەدياليگاسىندا ءبىر عانا ماتچ وتكىزگەن.
ال فۋتبولشى ۆيكتور موزەس قىزىلورداعا كەلگەن. بۇل تۋرالى «قايسار» كلۋبىنىڭ ءباسپاسوز قىزمەتى بەينەروليك جاريالادى.
فۋتبولشىنىڭ اۋىسۋى جاقىن ۋاقىتتا رەسمي تۇردە راسىمدەلەدى دەپ كۇتىلۋدە. موزەسپەن كەلىسىمشارت ءبىر جىلعا جاسالماق.
«سالەم، دوستار! مەن — ۆيكتور موزەس. مۇندا كەلگەنىمە قۋانىشتىمىن جانە ويىندى باستاۋعا اسىعىپ وتىرمىن. العا، “قايسار”!»، — دەدى سپورتشى.
